Seo Services
Results for SPORTS NEWS

SOUTH AFRICA VS AUSTRALIA 5TH ODI 2006 HIGHLIGHTS

March 27, 2020
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 


https://blogger.googleusercontent.com/img/b/R29vZ2xl/AVvXsEjjf0AdU-xYHMK17vfGJMTSuDxA3xErynlax6HZIDF73irUSVEEDQ3xsrSbC6elBIhn7acUgJMAa0Y8SpMnTcucsi1oHKCodlamHhLLZ59Kh3CGl8kDlEkiivehiqNKr43Ff_SQ5eymiWd8/s1600/images_8.jpg 


FILE SIZE - 430MB
FILE FORMAT - AVI

SOUTH AFRICA VS AUSTRALIA 5TH ODI 2006 HIGHLIGHTS SOUTH AFRICA VS AUSTRALIA 5TH ODI 2006 HIGHLIGHTS Reviewed by CHAA MEDIA on March 27, 2020 Rating: 5

අයි.පී.එල්. ශූරයෝ මුම්බායි ඉන්දියන්ස් - ‘මට දිනන්නම ඕන වුණා’- ලසිත් මාලිංග

May 14, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
ලසිත් මාලිංගගේ සටන්කාමී අවසන් පන්දුවාරයේ පිහිටෙන් චෙන්නායි කණ්ඩායමට එරෙහිව ලකුණු 1 ක තියුණු ජයක් අත්පත් කරගත් මුම්බායි ඉන්දියන්ස් කණ්ඩායම 2019 අයි. පී. එල්. ශූරතාව දිනා ගැනීමට සමත් විය. මුම්බායි කණ්ඩායම අයි. පී. එල්. ශූරතාව දිනා ගත් සිව්වැනි අවස්ථාවද මෙය වේ.

 අවසන් පන්දුවාරයේදී ජයග‍්‍රහණය සඳහා ලකුණු නවයක් චෙන්නායි කණ්ඩායමට අවශ්‍යව තිබු අතර එහිදී පිති හරඹයේ යෙදී සිටි ෂේන් වොට්සන් සහ ජඬේජාට එය පහසු ඉලක්කයක් විය. පීඩනයේදී පන්දු යැවීමට වැඩි කැමැත්තක් දක්වන ලසිත් මාලිංග තීරණාත්මක පළමු පන්දු පහ ලකුණු අටකට සීමා කරද්දී වොට්සන් දුවද්දී දැවී ගියේය. මාලිංග සිය පළමු පන්දු පහ අවසන් කළේ 1, 1, 2, 1, 2 වශයෙනි. අවසන් පන්දුවට එක් ලකුණක් සම කිරීමට අවශ්‍ය විය. පන්දුවට පහර දෙමින් සිටි සහදුල් තකූර්ට වේගය අඩාල කරමින් යෝකර් පන්දුවක් යැවූ මාලිංග ඔහුව කඩුල්ල මුවා කිරීමේ වරදට හසුකර ගත්තේය.

 ‘‘මට තරගය දිනන්න ඕන වෙලා තිබුණෙ. අවසන් පන්දුවට තව එක ලකුණක් හරි

 ගැහුව්වනම් සුපිරි පන්දුවාරය ක‍්‍රියාත්මක කරන්න වෙනවා. ඒ නිසා මට අවශ්‍ය වුණා කඩුල්ල ලබා ගන්න හොඳම පන්දුව යවන්න. ’’ මාලිංග සිය වික‍්‍රමයෙන් පසුව පැවසීය. අදාළ පන්දුවාරය යැවීමෙන් පසු මාලිංගව කර මතින් ක‍්‍රීඩාංගණයෙන් එළියට රැගෙන යෑමට මුම්බායි ක‍්‍රීඩකයෝ සමත් වූහ.

 පළමුව පිති ප‍්‍රහාරය දියත් කළ මුම්බායි කණ්ඩායම ලකුණු 149 ක් ලබා ගනිද්දී චෙන්නායි කණ්ඩායමට ජයග‍්‍රහණය හයිද්‍රාබාද් ක‍්‍රීඩාංගණයේදී පහසුවට පෙනුණි. නමුත් ෂේන් වොට්සන් (80) හැරුණු කොට චෙන්නායි පිතිකරුවන්ව දමනය කළ ජස්ප‍්‍රිට් බුම්රා සිය පන්දුවාර හතර ලකුණු 14 කට සීමා කරමින් කඩුලූ 2 ක් දවා ගත්තේය. හාර්දික් පාණ්ඩ්‍යා පන්දුවාර 3 ක් යවමින් ලකුණු 39 කට කඩුල්ලක් දවා ගත්තේය. ‘‘අවසන් පන්දුවාරය යැවීමට පුළුවන් කියන විශ්වාසය මාලිංගට තියෙන බව මම දැන ගත්තා. මාලිංගයි මමයි දෙන්නම අවසන් පන්දුව වේගය අඩාල කරමින් යැවිය යුතු බව තීරණය කළා. ’ යැයි මුම්බායි නායක රෝහිත් ෂර්මා තරගයෙන් පසුව පැවසීය. මාලිංග සිය පන්දුවාර හතර ලකුණු 49 කට අවසන් කරද්දී එක් කඩුල්ලක් දවා ගත්තේය.

 අවසන් තරගයේ වීරයා වශයෙන් ජස්ප‍්‍රිට් බුම්රා සම්මාන දිනු අතර තරගාවලියේ වීරයා සම්මානය ඇන්ඩෘ රසල්ට හිමිවිය. තරගාවලියේ වැඩිම ලකුණු ලැබූ ඬේවිඞ් වෝනර්ටද විශේෂ සම්මානයක් හිමිවිය.
අයි.පී.එල්. ශූරයෝ මුම්බායි ඉන්දියන්ස් - ‘මට දිනන්නම ඕන වුණා’- ලසිත් මාලිංග අයි.පී.එල්. ශූරයෝ මුම්බායි ඉන්දියන්ස් - ‘මට දිනන්නම ඕන වුණා’- ලසිත් මාලිංග Reviewed by CHAA MEDIA on May 14, 2019 Rating: 5

අපේ පල්ලියේ විපත්තිය ජීවිතේට අමතක වෙන්නෑ -දසුන් ශානක

April 26, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
පසුගිය පාස්කු ඉරිදා දිනයේ ඇති වූ පිපිරුම් මාලාවට හසුවීමට ගිය අන්තර්ජාතික ක්‍රිකට් ක්‍රීඩක දසුන් ශානක එහි දී දිවි ගලවා ගත්තේ වාසනාවකිනි. එදින තමාට අත්විඳීමට සිදු වූ අමිහිරි අත්දැකීම පිළිබඳ දසුන් ශානක ESPNcricinfo වෙබ් අඩවිය ඔස්සේ අදහස් දක්වා තිබුණි.

27 හැවිරිදි දසුන් ශානක පසුගිය ඉරිදා උදයේ සිය උපන් බිම වූ මීගමුවේ, මීගමුව සාන්ත සෙබස්තියන් පල්ලියේ තිබුණු දේව මෙහෙයට සිය මව හා මිත්තණිය සමඟ සහභාගී වීමට නියමිතව තිබිණි. කිලෝමීටර් 170කට අධික දුරක් ගෙවා ඔහු පෙර දිනයේ අනුරාධපුර සිට නි‍ෙවසට පැමිණ තිබූ හෙයින් ඔහු එදින උදේ තීරණය කළේ පල්ලියට නොයා සිටීමටයි.

“සාමාන්‍යයෙන් මම පල්ලියට යනවා, නමුත් ඊට පෙර දින මම අනුරාධපුරයේ සිට පැමිණි නිසා මට මහන්සි දැනුණා” මම එදා නි‍ෙවසේ ඉද්දි මට ලොකු ශබ්දයක් ඇසුණා, අනතුරුව මට ඇහුණා මිනිස්සු කෑ ගහනවා පල්ලියේ බෝම්බයක් කියලා, මම ඉක්මනින් එතනට ගියා, මට කවදාවත් අමතක වෙන්නේ නැහැ එතැන වෙලා තිබුණු විපැත්තිය”

“මුළු පල්ලියම විනාශ වෙලා, සම්පූර්ණයෙන්ම කෑලි කෑලි වෙලා, මිනිස්සු ජිවිත අහිමි වුණු සිරුරු ඉවතට අදිමින් සිටියා.ඔබත් ඒ අවස්ථාවේ පල්ලියේ ඇතුළත දුටුවා නම් ඔබටත් තේරුම් යනවා එහි සිටි කිසිවෙකුත් ජීවතුන් අතර සිටීමට ඉඩක් නොමැති බව. කොටින්ම පිපිරුමෙන් විසිවූ කැබලි පල්ලියේ සැමතැනම සිටි අයව තුවාල කරලා තිබුණා.” ඔහු පළමුව සිය මව සොයා පල්ලිය පුරා ඇවිද ඇති අතර මව හමු වූ පසු ඔහු සිය මව වහාම රෝහල්ගත කළේය. “මගේ පළමු අපේක්ෂාව වුණේ මගේ අම්මාව සොයා ගැනීම, මම ඇයව සොයා ගත්ත ගමන් මම ඇයව එතැනින් පිටතට රැගෙන ආවා, ඉන් පසු මම මගේ මිත්තණිය සොයා ගියා, නමුත් මට දැනගන්නට ලැබුණා ඇය පල්ලිය ඇතුළේ නිරුපද්‍රැතව ඉන්නවා කියලා, මගේ හදවතින් විශාල බරක් නිදහස් වුනා”

“මගේ අම්මා ජනේලයක් අසල ඉඳලා තියෙන්නේ, ඒ නිසාම ඇය පිපිරීමෙන් සුළු තුවාල සහිතව ආරක්ෂා වෙලා තිබුණා, ඇය වටේට සිටි බොහෝ දෙනෙකුට දිවි අහිමි වී තිබුණා.”

“මම මගේ මිත්තණිය සොයා ගියේ ඇය ජීවතුන් අතර සිටීවි යැයි බලාපොරොත්තුවෙන් නොවේ. කෙසේ වෙතත් ඇයගේ වටේ සිටි අය ජීවතුන් අතර නොසිටියත් ප්‍රාතිහාර්යයකින් වගේ ඇය නිරුපද්‍රැතව සිටියා, අනෙක් අයගේ හානි වූ ශරීරවලින් ඇය ආරක්ෂා වී තිබුණා, ඇයගේ හිසට උල් යමක් වැදී හානි වී තිබුණි. ඇයව ශල්‍යකර්මයක් සඳහා රෝහල් ගත කරන්නට අපට හැකි වුනා” බොහෝ ශ්‍රී ලාංකිකයින් වගේම ශානක ද මේ සිදුවීම නිසා ඉන්නේ ඉතා කම්පනයකිනි.

”මම පාරට බහින්නත් බයයි, රෝහලට යන්නත් බයයි” නමුත් ශ්‍රී ලංකාවේ පුරවැසියන්ගේ ශක්තිය, එකමුතුකම හා විශ්වාසය පිළිබඳ ඔහු සිටින්නේ දැඩි විශ්වාසයකින්ය. “මීගමුවේ කවදාවත් ජාතීන් අතර ගැටුම් ඇති වුණේ නැහැ, මෙහෙ හැමදාම ආරක්‍ෂිත දිව්‍යපුරයක් වුණා, කිසිම ජනවර්ගයක් මෙහෙ ප්‍රශ්න ඇති කර ගත්තේ නැහැ, මෙහෙ මිනිස්සු බොහොම කරුණාවන්තයි, ඔවුන් අනෙක් මිනිසුන්ගේ ප්‍රශ්නවලට හා ඕපදූපවලට හසු වන්නේත් නැහැ, මට මේ මිනිස්සු කොච්චර අහිංසක ද සාමකාමී ද කියන්න වචන නැහැ”
අපේ පල්ලියේ විපත්තිය ජීවිතේට අමතක වෙන්නෑ -දසුන් ශානක අපේ පල්ලියේ විපත්තිය ජීවිතේට අමතක වෙන්නෑ -දසුන් ශානක Reviewed by CHAA MEDIA on April 26, 2019 Rating: 5

බෲස් යාඩ්ලි දිවි ගමනට සමුදෙයි

March 27, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
ඕස්ට්‍රේලියාවෙන් බිහිවූ දක්ෂ දඟ පන්දු යවන්නෙකු වන බෲස් යාඩ්ලි මියගොස් තිබෙනවා.
පිළිකා රෝගයක් හේතුවෙන් ඔහු මියයන විට 71වන වියේ පසුවුණා.ඕස්ට්‍රේලියාව වෙනුවෙන් ටෙස්ට් තරඟ 33ක් සහ එක්දින තරඟ 07ක් ක්‍රීඩාකර ඇති ඔහු බිඳ හෙලා ඇති ජාත්‍යන්තර කඩුලු සංඛ්‍යාව 133ක්.36 වන වියේදී යාඩ්ලි ජාත්‍යන්තර ක්‍රිකට් පිටියට සමුදුන් අතර ඉන් අනතුරුව පුහුණුකරුවෙක් සහ ක්‍රිකට් විස්තර විචාරකයෙකු ලෙස ඔහු කටයුතු කරනු ලැබුවා.
1997 වසරේදී ඔහු ශ්‍රී ලංකා කණ්ඩායමේ පුහුණුකරු ලෙස පත්වූ අතර ශ්‍රී ලංකා දඟ පන්දු යවන ක්‍රීඩක මුත්තයියා මුරලිදරන්ගේ පන්දු යැවීමේ ඉරියව්ව සම්බන්ධයෙන් එල්ලවූ චෝදනාවේදී යාඩ්ලි මුරලිදරන් වෙනුවෙන් පෙනී සිටියා.
බෲස් යාඩ්ලි දිවි ගමනට සමුදෙයි බෲස් යාඩ්ලි දිවි ගමනට සමුදෙයි Reviewed by CHAA MEDIA on March 27, 2019 Rating: 5

සංචාරයකට ආ ඕස්ට්‍රේලියානු යුවළ මෙරට දරුවන් ක්‍රිකට් පුහුණු වෙන හැටි දැක සංවේදී වෙයි...! නැවත මව් රටට ගිය ඔවුන්ගෙන් මෙරට දරුවන්ට තෑගි කන්දක්..!

February 10, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
පසුගිය වසරේ ශ්‍රී ලංකාවේ සංචාරයකට පැමිණි ඕස්ට්‍රේලියානු යුවළක් මෙරට දරුවන් ඉතා අඩු පහසුකම් යටතේ ක්‍රිකට් ක්‍රීඩාව පුහුණුවන ආකාර දැක ඔවුන්ට උදව් කළ ඉතා අගයකළ යුතු ක්‍රියාවක් නෙත් ගොසිප් වෙත වාර්තා වුනා. ශ්‍රී ලංකාවේ සංචාරයක් සඳහා පැමිණි ඕස්ට්‍රේලියාවේ වෙසෙන Aaron Dragwidge සහ ඔහුගේ බිරිඳ වන Kerry Dragwidge විසින් මෙම ශ්‍රී ලාංකික දරුවන් වෙනුවෙන්  සපත්තු  1,403 ක්, ළමා ක්‍රිකට් කට්ටල 200 ක්, ආරක්ෂිත ක්‍රිකට් ක්‍රීඩා උපකරණ ඇතුළු බොහෝ දේ ලබා දීමට කටයුතු කර තිබුණා.
එම යුවළ ශ්‍රී ලංකාවේ හිටපු  දක්ෂ දඟ පන්දු ක්‍රීඩකයෙක් වන සුරන්ජිත් සිල්වාගේ ඉල්ලීමක් මත මොරටුවේ පවත්වාගෙන යන Cricket Live Foundation ආයතනයට පැමිණි අවස්ථාවේ මෙරට දරුවන් ඉතා අඩු පහසුකම් යටතේ ක්‍රිකට් ක්‍රීඩාව පුහුණු වන ආකාරය දැක ඉතා සංවේදී  වී ඇති අතර නැවත ඕස්ට්‍රේලියාවට ගොස් ශ්‍රී ලාංකික දරුවන් වෙනුවෙන් උපකාර කිරීමට අවශ්‍ය කටයුතු සම්පාදනය කිරීමට තීරණය කර තිබුනා.
ඒ අනුව සිය සංචාරය නිමා කර නැවත ඕස්ට්‍රේලියාවට ගිය එම  යුවළ මෙරට දරුවන්ට අවශ්‍ය උපකරණ ලබා ගැනීමට කටයුතු කර තිබුනා. එහිදී Kerry Dragwidge සේවය කරනා පාසලේ දරුවන්ගේද සහය ලබා ගෙන ඇති අතර සිය සමාජ ජලා වෙබ් අඩවි මඟින් මිතුරන්ගේ සහය ඉල්ලා තිබුණා.
එහි ප්‍රතිඵලයක් ලෙස  ඕස්ට්‍රේලියාවේ මෙල්බර්න් හී Mount Waverley Secondary Collage පාසැල් සිසු දරුවන් ඇතුළු තවත් පාසැල් ගණනාවක සිසුදරුවන් , මෙල්බර්න් “ට්‍රයිකෝ” ආයතනයේ අධිපති යසන්ත ඩයස්, නවින් ආසිරි ප්‍රනාන්දු ඇතුළු පිරිසකගේ සහයද සහිතව අදාළ ක්‍රීඩා උපකරණ සහ සපත්තු මෙම කටයුතු සම්බන්ධ කරන ලද වර්නන් තිසේරා විසින් මෙරටට ගෙනවිත් තිබෙනවා.
ඒ අනුව අදාළ ක්‍රීඩා උපකරණ සහ පාවහන් මොරටුවේ Cricket Live Foundation,මොනරාගල ,බදුල්ල දික්වැල්ල වැනි අත දුෂ්කර පාසැල් දරුවන් ගණනාවකට ලබා දීමට කටයුතු කර තිබුණා.
ඉදිරියේදීත් ඔවුන් මෙර දරුවන් වෙනුවෙන් ක්‍රීඩා උපකරණ සහ සපත්තු ලබා දීමට තීරණය කර ඇති බවද වාර්තා වුනා.









උපුටා ගැනීම - නෙත් ගොසිප් වෙබ් අඩවියෙන්
සංචාරයකට ආ ඕස්ට්‍රේලියානු යුවළ මෙරට දරුවන් ක්‍රිකට් පුහුණු වෙන හැටි දැක සංවේදී වෙයි...! නැවත මව් රටට ගිය ඔවුන්ගෙන් මෙරට දරුවන්ට තෑගි කන්දක්..! සංචාරයකට ආ ඕස්ට්‍රේලියානු යුවළ මෙරට දරුවන් ක්‍රිකට් පුහුණු වෙන හැටි දැක සංවේදී වෙයි...! නැවත මව් රටට ගිය ඔවුන්ගෙන් මෙරට දරුවන්ට තෑගි කන්දක්..! Reviewed by CHAA MEDIA on February 10, 2019 Rating: 5

අනුකම්පාව එපා,නිසි තැන දුන්නාම ඇති...

January 28, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif
අනුකම්පාව එපා,නිසි තැන දුන්නාම ඇති... අනුකම්පාව එපා,නිසි තැන දුන්නාම ඇති... Reviewed by CHAA MEDIA on January 28, 2019 Rating: 5

ග‍්‍රෑන්ඞ් ස්ලෑම් ටෙනිස් ශූරතාව නයෝමි ජපානයට රැගෙන යයි

January 27, 2019
 
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif
ඔස්ටේ‍්‍රලියානු ග‍්‍රෑන්ඞ් ස්ලෑම් කාන්තා ටෙනිස් ශූරතාවට හිමිකම් කීමට ජපානයේ නයෝමි ඔසාකා සමත් විය. ඒ අනුව අවසන් තරගයේදී චෙක් රාජ්‍යයේ පෙට්රා ක්විටෝවා පරාජයට පත් කරමින් අදාළ ශූරතාවයට හිමිකම් කීමට නයෝමි ඔසාකා සමත් වූවාය.

 දෙදෙනා අතර පැවැති පළමු වටයේ තරගයේදී ඉතාම තියුණු තරගයක් ජය ගැනීමට හැකිවූ අතර එහිදී පළමු තරගය 7-6ක් ලෙස නයෝමි ජය ගත් අතර 5-7ක් ලෙස දෙවැනි තරගයේ ජය හිමිකර ගැනීමට පෙට්රා සමත් වූවාය. තීරණාත්මක අවසන් වටයේදී ආකම‍්‍රණශීලී ලෙස තරගයට අවතීර්ණ වූ නයෝමි 6-4ක් ලෙසින් ජයග‍්‍රහණය වාර්තා කළාය. මෙම ජයග‍්‍රහණයත් සමග ලෝක ටෙනිස් ශ්‍රේණිගත කිරීම් තුළ දෙවැනි ස්ථානයේ පසුවූ නයෝමි එහි පළමු ස්ථානය දක්වා උසස්වීම් ලැබීමට සමත් වූ අතර අවසන් තරගය පරාජයට පත්වුවත් ශ්‍රේණිගත කිරීම් ලැයිස්තුවේ අටවැනි ස්ථානයේ පසුවූ පෙට්රා එහි 6වැනි ස්ථානය දක්වා උසස්වීම ලැබීමටද සමත් වූවාය.

 අදාළ ශුරතා ජයග‍්‍රණයත් සමග නයෝමි ඔසාකා පිට පිටම ග‍්‍රෑන්ඞ් ස්ලෑම් ශූරතාවන් දෙකකටම හිමිකම් කියා ඇති අතර එය ඇමරිකාවේ සෙරීනා විලියම්ස්ගේ වාර්තාව සම කිරීමක්ද වේ.

ග‍්‍රෑන්ඞ් ස්ලෑම් ටෙනිස් ශූරතාව නයෝමි ජපානයට රැගෙන යයි ග‍්‍රෑන්ඞ් ස්ලෑම් ටෙනිස් ශූරතාව නයෝමි ජපානයට රැගෙන යයි Reviewed by CHAA MEDIA on January 27, 2019 Rating: 5

ජපානයේ සුපිරි තරුව නයෝමි වාර්තා දෙකක් හඹා යයි

January 24, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
ලෝක ටෙනිස් පිටියේ අංක එකේ ක්‍රීඩිකාවගේ වාර්තාවත්, වසර 4කට පසුව පිට පිට දෙවතාවක් ග්‍රෑන්ඩ් ස්ලෑම් ටෙනිස් ශූරතා දිනූ පළමු ක්‍රීඩිකාවගේ වාර්තාවත් හඹා යාමේ අවස්ථාව සලසාගනිමින් ඊයේ ඔස්ට්‍රේලියානු විවෘත ටෙනිස් ශූරතාවලියේ අවසන් පූර්ව වටයේ තරගයෙන් චෙක් රාජ්‍ය යේ කැරොලිනා ප්ලිස්කෝවා ලකුණු 6-2ක් සහ 6-4ක් ලෙස පරාජය කරමින් අවසන් මහා තරගයට සුදුසුකම් ලැබීමට ජපානයේ සුපිරි ටෙනිස් තරුව නයෝමි ඔසාකා සමත්වූවාය.
21 හැවිරිදි මේ ක්‍රීඩිකාව මීට පෙර පසුගිය වසරේ පැවැති අමෙරිකානු විවෘත ටෙනිස් තරගාවලියේ අවසන් මහා තරගයෙන් සෙරීනා විලියම්ස් පරදවා ශූරතාව දිනාගැනීමට සමත්වූ අතර මෙවර අවසන් පූර්ව තරගයට එක්වූයේ නැවත සෙරිනා ආපසු හරවා යවමිනි. මීට පෙර 2015දී අමෙරිකානු විවෘත ටෙනිස් ශූරතාවත් ඊළඟට ඔස්ට්‍රේලියානු විවෘත ටෙනිස් ශූරතාවත් දිනාගැනීමට සෙරීනා සමත්වීමෙන් පසුව පිට පිට ග්‍රෑන්ඩ් ස්ලැම් කුසලාන දෙකක් දිනාගැනීමට කිසිදු ක්‍රීඩිකාවක් සමත්වූයේ නැත.
හෙට පැවැත්වෙන අවසන් මහා තරගයේදී නයෝමිගේ ප්‍රතිවාදිනිය බවට පත්වී සිටින්නේ ද චෙක් රාජ්‍යයට අයත් ක්‍රීඩිකාවකි. මීට පෙර දෙවතාවක් ග්‍රෑන්ඩ් ස්ලෑම් කුසලාන දිනා ඇති චෙක් රාජ්‍යයේ 28 හැවිරිදි පෙට්රා ක්විටෝවා ඊයේ අවසන් මහා තරගයට සුදුසුකම් ලැබුවේ අමෙරිකාවේ ඩැනියෙල් කොලින්ස් ලකුණු 7-6ක් සහ 6-0ක් ලෙස පරාජය කරමිනි.
ශ්‍රේණිගත කිරීම්වල අටවැනි තැන පසුවන ක්විටෝවා මීට පෙර 2012දී සහ 2014දී විම්බල්ඩන් ටෙනිස් කුසලාන දිනාගැනීමට සමත්වූ අතර වසර 2016දී සිය නිවසට කඩා වැදුණු මංකොල්ලකරුවකු සමග පොර බැදීමේදී පිහි ඇනුමකට ලක්ව කාලයක් ටෙනිස් පිටියෙන් ඉවත්ව සිටියාය. එම සිදුවීමේදී ඇය ටෙනිස් පිත්ත හසුරුවන වම් අතට පිහිපහර කිහිපයක් වැදී තිබූ අතර ඉදිරියේදී ඇයට ක්‍රීඩාවෙන් සමුගැනීමට සිදුවනු ඇතැයි එකළ විචාරකයෝ අනාවැකි පළ කළහ. මෙවර ඔස්ට්‍රේලියානු විවෘත තරගාවලියේ අවසන් මහා තරගයේ ජයග්‍රාහිකාව ලොව අංක එකේ ක්‍රීඩිකාව බවට පත්වනු ඇත.

උපුටා ගැනීම -  http://www.dinamina.lk/sport

ජපානයේ සුපිරි තරුව නයෝමි වාර්තා දෙකක් හඹා යයි ජපානයේ සුපිරි තරුව නයෝමි වාර්තා දෙකක් හඹා යයි Reviewed by CHAA MEDIA on January 24, 2019 Rating: 5

ශ්‍රී ලංකාව ලකුණු 144 කට සීමාවෙයි

January 24, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
සංචාරක ශ්‍රී ලංකා කණ්ඩායම සහ ඕස්ට්‍රේලියා කණ්ඩායම අතර බි්‍රස්බේන් නුවරදී අද (24 වැනිදා) ආරම්භවූ දිවා-රාත්‍රි පළමු ටෙස්ට් තරගයේ කාසියේ වාසිය දිනා පළමුව පන්දුවට පහරදුන් ශ්‍රී ලංකා කණ්ඩායමට සියලුදෙනා දැවී රැස්කිරීමට හැකිවූයේ ලකුණු 144 ක් පමණි.

අනෙක් අන්තයේ පිතිකරුවන් එකිනෙකා දැවීයන විට හුදකලා සටනක නිරතවූ නිරෝෂන් දික්වැල්ල ලකුණු 64 ක් රැස්කර සිටියදී පැට් කමින්ස්ගේ පන්දුවක් හමුවේ කර්ට්ස් පැටර්සන් අතට උඩපන්දුවක් දෙමින් දැවී ගියේය. පන්දු 78 කට මුහුණදුන් දික්වැල්ලගේ ඉනිමට හයේ පහරක් සහ හතරේ පහර 6 ක් ඇතුළත් විය.
දුෂ්මන්ත චමීර සමගින් එක්ව නමවැනි කඩුල්ලට ලකුණු 38 ක සම්බන්ධතාවයක් පැවැත්වීමට නිරෝෂන් දික්වැල්ල සමත්වූ අතර එම ලකුණු 38 ම දික්වැල්ලගේ පිත්තෙන් වාර්තා විය.
තරග ආරම්භයේ සිට තේ පානය සඳහා තරගය නතර කරනවිට ලකුණු 58 කට කඩුලු 3 ක් අහිමිකරගෙන සිටි ශ්‍රී ලංකාව තේ පානයේ සිට රාත්‍රි ආහාරය තෙක් කාළය තුල තවත් කඩුලු 5 ක් ලකුණු 64 ක් තුළ අහිමිකර ගත්තේය.
නවසීලන්ත සංචාරයේදී ස්ථානයක් හිමිනොවූ ළහිරු තිරිමාන්න, දිමුත් කරුණාරත්න සමගින් ඉනිම ආරම්භ කිරීමට පිටියට පිවිසියද සාර්ථක පිතිහරඹයක නිරතවීමට අවස්ථාවක් හිමිනොවීය. පන්දු 30 කට පහරදුන් තිරිමාන්න, පැට් කමින්ස්ගේ පන්දුවක් හමුවේ තෙවැනි ස්ලිප්හී පන්දු රකිමින් සිටි මානස් ලබුස්චේන් අතට උඩපන්දුවක් දෙමින් පළමු කඩුල්ල ලෙසින් දැවීයන විට ඔහු රැස්කර සිටියේ ලකුණු 12 ක් පමණි.
පෙර තරගාවලි වලදී ස්ථීර ස්ථානයක පන්දුවට පහර නොදුන් නායක දිනේෂ් චන්දිමාල් අංක 3 පිතිකරුවා ලෙස පිටියට පිවිසියද ඔහුට වැඩි වේලාවක් කඩුල්ලේ රැඳී සිටීමට ජේ රිචඞ්සන් අවස්ථාවක් ලබා නොදුන්නේය.
දෙවැනි ස්ලිප්හී පන්දු රකිමින් සිටි ජෝ බර්න්ස්ට උඩපන්දුවක් ලබාදුන් චන්දිමාල් ලකුණු 5 කට පිටියෙන් ඉවත් විය.
සාර්ථක පිතිහරඹයක නිරතවෙමින් සිටි දිමුත් කරුණාරත්න තේ පානයට සුළු මොහොතකට පෙර පිටියෙන් ඉවත් කිරීමට නේතන් ලයන් සමත්විය. පන්දු 70 කට මුහුණදුන් දිමුත් ලකුණු 24 ක් රැස්කිරීමට සමත්විය.
තේ පානයෙන් පසුව යවන ලද පළමු ඕවරයේ තෙවැනි පන්දුවේදී කුසල් මෙන්ඩිස් දවාගැනීමට ජේ රිචඞ්සන් සමත්විය. ලකුණු 14 ක් රැස්කර සිටියදී රිචඞ්සන්ගේ පන්දුවක් කඩුල්ලේ වැදීමෙන් මෙන්ඩිස් දැවී ගියේය.
ශ්‍රී ලංකා ඉනිමට තවත් ලකුණු 8 ක් එක්වන විටදී ධනංජය ද සිල්වාද දවාගැනීමට ජේ රිචඞ්සන් සමත්වීමත් සමගින් පිතිකරු ලැයිස්තුවේ අවසන් පිතිකරුවා වූ නිරෝෂන් දික්වැල්ල කඩුල්ලේ රැඳී සිටි රොෂේන් සිල්වා සමගින් එක්විය. රොෂේන් සිල්වා සහ නිරෝෂන් දික්වැල්ල එක්ව හයවැනි කඩුල්ල සඳහා ලකුණු 25 ක සම්බන්ධතාවයක් ගොඩනැගූ අතර පැට් කමින්ස්ගේ පන්දුවක් හමුවේ රොෂේන් සිල්වා දැවීයාමත් සමගින් එම සම්බන්ධතාවයටද තිත තැබුණි.
රොෂේන් සිල්වා දැවීයාමත් සමගින් සමගින් පන්දුවට පහරදීම සඳහා ඩිල්රුවන් පෙරේරා පිටියට පිවිසියද පැට් කමින්ස්ගේ පන්දුවක් අතේ වැදීමෙන් පිටියෙන් ඉවත්වීමට ඔහුට සිදුවිය. සුරංග ලක්මාල්ගේ දැවීයාමෙන් පසුව නැවත පන්දුවට පහරදීම සඳහා ඩිල්රුවන් පෙරේරා පිටියට පිවිසියද ඔහුට වැඩි වේලාවක් කඩුල්ලේ රැඳී සිටීමට මිචෙල් ස්ටාක් ඉඩලබා නොදුන්නේය.
පැට් කමින්ස් කඩුලු 4 ක් සහ ජේ රිචඞ්සන් කඩුලු 3 ක් දවාගනිමින් පන්දුවෙන් දස්කම් දැක්වූ අතර කඩුලු 2 ක් දවාගත් මිචෙල් ස්ටාක් සිය 200 වැනි කඩුල්ල ලෙස සුරංග ලක්මාල් දවාගනිමින් වාර්තා පොත් අතරට එක්වීමට සමත්විය.
පළමු දිනට අද (24 වැනිදා) තරගය අවසන් කරනවිට සිය පළමු ඉනිම සඳහා පන්දුවට පහරදෙමින් සිටි ඕස්ට්‍රේලියා කණ්ඩායම කඩුලු 2 ක් දැවී ලකුණු 72 ක් රැස්කර සිටියේය. ඒ අනුව ශ්‍රී ලංකාව පළමු ඉනිමේදී රැස්කළ ලකුණු සංඛ්‍යාවට වඩා ලකුණු 72 ක් පසුපසින් ඕස්ට්‍රේලියාව පසුවන්නේය.
නොදැවී කඩුල්ලේ රැඳී සිටින මාකස් හැරිස් ලකුණු 40 ක් රැස්කර ඇති අතර නේතන් ලයන් තවමත් ලකුණු රැස්කිරීමට ආරම්භකර නොමැත.
සුරංග ලක්මාල් සහ ඩිල්රුවන් පෙරේරා කඩුල්ල බැගින් දවාගැනීමට සමත්වූහ.

ශ්‍රී ලංකාව ලකුණු 144 කට සීමාවෙයි  ශ්‍රී ලංකාව ලකුණු 144 කට සීමාවෙයි Reviewed by CHAA MEDIA on January 24, 2019 Rating: 5

ශ්‍රී ලංකා පිල අද දිවා රාත්‍රී ටෙස්ට් තරගයට

January 23, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
පිතිකරුවන්ට සහ පන්දු යවන්නන්ට ඔවුන්ගේ දායකත්වය උපරිමයෙන් ලබාදීමට හැකිවන්නේ නම් බ්‍රිස්බේන් නුවර ගැබා ක්‍රීඩාංගණයේදී ඔස්ට්‍රේලියාවට එරෙහිව අද (24) ඇරැඹෙන දිවා රාත්‍රී පළමු ටෙස්ට් තරගයේදී ආශ්චර්යයක් සිදු කිරීමට ශ්‍රී ලංකා පිලට හැකිවනු ඇතැයි නායක දිනේෂ් චන්දිමාල් විශ්වාසය පළ කරයි. වෝන් - මුරලි කුසලානය වෙනුවෙන් පැවැත්වෙන මේ ටෙස්ට් තරගමාලාවේ පළමු තරගය දිවා රාත්‍රී තරගයක් ලෙස අද ශ්‍රී ලංකා වේලාවෙන් පෙරවරු 8.30ට ආරම්භ වේ.
අද ඇරැඹෙන ටෙස්ට් තරගය පිළිබඳ ඊයේ ගැබා පිටියේ පැවැති මාධ්‍ය හමුවේදී මේ අදහස් පළ කළ චන්දිමාල් කියා සිටියේ පසුගියදා පැවැති ටෙස්ට් තරගමාලාවේදී ඉන්දීය පිල ඔස්ට්‍රේලියාව පරාජය කළ ආකාරය පිළිබඳ ඉතා මැනවින් අධ්‍ය්‍යයනය කළ බවය.
‘මේක නිසැකවම අපිට අභියෝගයක්. නමුත් මේ අභියෝගය අපිට බාර ගත හැකිනම් සහ පිතිකරුවකු හෝ පන්දු යවන්නකු ලෙස අපේ ක්‍රීඩකයන්ට සියයට දෙසියයක දායකත්වයක් කණ්ඩායමට ලබාදීමට හැකිවන්නේ නම් අපිට මෙහිදී ආශ්චර්යයක් සිදු කිරීමට හැකිවේවි. කණ්ඩායමක් හැටියට අපේ අවශ්‍යතාවයත් ඉන්දියාව සිදු කළ අන්දමේ විශිෂ්ට ක්‍රීඩා විලාශයක් පෙන්නුම් කරමින් ඔස්ට්‍රේලියාව මෙල්ල කිරීමයි.’ ඔහු කියා සිටියේය.
වත්මන් ඔස්ට්‍රේලියානු පිල අත්දැකීම් රහිත පිතිකරු පෙළගැස්මකින් සමන්විත වන අතර අත්දැකීම් බහුල පිතිකරුවන් වන හිටපු නායක ස්ටීවන් ස්මිත් සහ හිටපු උපනායක ඩේවිඩ් වෝනර් තරග තහනමකට ලක්වී සිටින බැවින් මෙය ශ්‍රී ලංකා පිලට ඔස්ට්‍රේලියානු භූමියේදී ටෙස්ට් ජයග්‍රහණයක් වාර්තා කිරීමට ලැබී ඇති අනගි අවස්ථාවකි.
‘අපි කවදාවත් ඔස්ට්‍රේලියානු පිල අවතක්සේරු කරන්නෙ නෑ. නමුත් ඔවුන්ගේ පිතිහරඹ අංශය අත්දැකීම් අඩු පිතිකරුවන්ගෙන් පිරුණු එකක්. ඉතින් අපිට වේලාසනින් කඩුලු කිහිපයක් බිඳ දමන්න අවස්ථාව ලැබුණොත් දැඩි අභියෝගයක් එල්ල කරන්න හැකිවේවි.’
ඔස්ට්‍රේලියානු පිල ඔවුන්ගේ භූමියේදීම පළමුවරට ටෙස්ට් තරගමාලාවකින් පරාජයට පත් කිරීමට ඉන්දිය පිල සමත්වූ අයුරු මේ වනවිට තම කණ්ඩායමේ දැඩි නිරීක්ෂණයට ලක්වූ බව කී චන්දිමාල් ඔස්ට්‍රේලියානු ඉනිම අතරතුර ඕවර 40 සිට 80 දක්වා කාලයේදී වැඩි ලකුණු ප්‍රමාණයක් නොදී සිටීමට තරම් ඉන්දීය පන්දු යවන්නන් සමත්වීම කෙරෙහි වැඩි අවධානයක් යොමු කළ බව කීවේය.
‘ඔවුන් ඕවරයකට ලකුණු 3කට වඩා අඩුවෙන් ඔස්ට්‍රේලියානු පිතිකරුවන් රඳවා ගත්තා. ඔවුන්ට එම ටෙස්ට් තරගමාලාව ජයගැනීමට ප්‍රධානතම සාධකය වුණේ එය බවයි මගේ අදහස.’ චන්දිමාල් පැවැසීය.
පන්දුව ඉහළට ඉපිළෙන වේගවත් තණතීරුවක් ලෙස සැළකෙන ගැබා තණතීරුවේදී දස්කම් දැක්වීමට හැකියාව ඇති පන්දු යවන්නන් ශ්‍රී ලංකා පිල සතුව ඇතැයි ඔහු පවසයි.
‘සුරංග ලක්මාල්, ළහිරු කුමාර, දුෂ්මන්ත චමීර අපේ ලොකුම වේගපන්දු තුරුම්පු. කුමාරට පැයට කිලෝමීටර් 140කට වඩා වේගයෙන් පන්දු යවන්න පුළුවන්. ඒක අපිට අතිරේක වාසියක්.’
වසර 1987දී පළමුවරට ඔස්ට්‍රේලියානු සංචාරයක නිරතවූ ශ්‍රී ලංකා පිල මේ දක්වා ගතවූ දශක 3කට අධික කාලය තුළ ටෙස්ට් තරගයක් ජයගැනීමට අසමත්වූ අතර පැවැති ටෙස්ට් තරග 13කින් තරග 11ක්ම පරාජයට පත්විය. දෙපිල අතර මෙතෙක් පැවැති ටෙස්ට් තරග සංඛ්‍යාව 29කි. ඉන් තරග 17ක් ජයගැනීමට ඔස්ට්‍රේලියාව සමත්වෙද්දී ශ්‍රී ලංකාව ජය ලැබුවේ තරග 4ක් පමණි. ඉන් තරග 3ක්ම ශ්‍රී ලංකාව ජය ලැබුවේ 2016 වසරේ දෙපිල අතර අවසන් වරට ශ්‍රී ලංකාවේ පැවැති තරග 3කින් සමන්විත ටෙස්ට් තරගමාලාවේදී 3-0කින් ලෙසටය. මේ ඉතිහාසය වෙනස් කරමින් ඔස්ට්‍රේලියානු භූමියේදී ටෙස්ට් තරගමාලාවක් ජයගත් පළමු ශ්‍රී ලාංකික ක්‍රිකට් නායකයා බවට පත්වීමට තමාට අවශ්‍ය බව චන්දිමාල් සඳහන් කළේය.
මේ අතර ඉන්දීය පිල වෙතින් ටෙස්ට් තරගමාලාවක පරාජයක් අත්විඳි තම පිතිකරුවන්ට ශ්‍රී ලංකාවට එරෙහිව අද ආරම්භ වන තරග 2කින් සමන්විත ටෙස්ට් තරගමාලාව ජයග්‍රහණය කරා රැගෙන යන ලෙස ඔස්ට්‍රේලියානු පිලේ පුහුණුකරු ජස්ටින් ලැන්ගර් සිය කණ්ඩායමෙන් ඉල්ලා සිටී.
ඔස්ට්‍රේලියානු පිල ශක්තිමත් කිරීමට ලකුණු අතරේ සිටින පිතිකරු ජෝ බර්න්ස් යළි කණ්ඩායමට කැඳවා ඇති අතර පසුගියදා ශ්‍රී ලංකා පිල සමග පැවැති තුන්දින පුහුණු තරගයේ ඉනිම් 2දීම නොදැවී ශතක වාර්තා කළ කර්ටිස් පැටර්සන් ද පළමුවරට ටෙස්ට් කණ්ඩායමට ඇතුළත් කර තිබේ.
මිට පෙර අවසන් වරට වසර 2012දී ඔස්ට්‍රේලියානු සංචාරයේ නිරතවූ ශ්‍රී ලංකා කණ්ඩායමෙන් අද තරගයට එක්වන්නේ දිමුත් කරුණාරත්න, නායක චන්දිමාල්, ළහිරු තිරිමාන්න සහ සුරංග ලක්මාල් පමණි. එම තරගමාලාවට වේගපන්දු යවන නුවන් ප්‍රදීප් ඇතුළත්ව සිටියද ඔහු ආබාධයක් හේතුවෙන් මේ සංචාරයෙන් ඉවත්ව සිටී.
ෆවුස් මොහොමඩ්
උපුටා ගැනීම - දිනමිණ වෙබ් නිවුස්

ශ්‍රී ලංකා පිල අද දිවා රාත්‍රී ටෙස්ට් තරගයට ශ්‍රී ලංකා පිල අද දිවා රාත්‍රී ටෙස්ට් තරගයට Reviewed by CHAA MEDIA on January 23, 2019 Rating: 5

විරාත් කෝලි ICC සම්මාන තුනම දිනා ගනියි .ICC වසරේ ටෙස්ට් කණ්ඩායමට දිමුත් නම් කෙරේ : වසරේ හොඳම විනිසුරු කුමාර් ධර්මසේන

January 22, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
වසරේ අයිසීසී ක්‍රිකට් ක්‍රීඩකයා සඳහා පිරිනැමෙන ශ්‍රීමත් ගාර්ෆිල් සෝබර්ස් කුසලානය ඇතුළු ප්‍රධාන පෙළේ අයිසිසි කුසලාන තුනක් දිනා ගත් ඉතිහාසයේ පළමු ක්‍රීඩකයා වීමට විරාත් කෝලි සමත් වී තිබෙනවා. ඒ ජාත්‍යන්තර ක්‍රිකට් කවුන්සිලය විසින් පවත්වනු ලබන වාර්ෂික සම්මාන උත්සවයේදී.
විරාත් කෝලි විසින් 2018 වසරේ අයිසිසි වසරේ ක්‍රීඩකයා, වසරේ ටෙස්ට් ක්‍රීඩකයා සහ වසරේ එක්දින ක්‍රීඩකයා යන සම්මාන දිනා ගැනීමට සමත්ව තිබෙනවා. ඊට අමතරව ඔහු වසරේ අයිසිසි ටෙස්ට් හා එක්දින කණ්ඩායමේ නායකයා ලෙස ද නම් කර තිබෙනවා.
මේ අතර 2018 වසරේදී කෝලි ටෙස්ට් තරග 13කදී ශතක පහක් සමගින් ලකුණු 1,322ක් රැස් කර ගැනීමට සමත්ව ඇති අතර එක්දින තරග 14 කදී ශතක 06ක් සමගින් ලකුණු 1202ක් රැස් කර ගැනීමට සමත්ව තිබෙනවා.
ජාත්‍යන්තර ක්‍රිකට් කවුන්සිලය විසින් නම් කරන ලද 2018 වසරේ ටෙස්ට් කණ්ඩායමට ශ්‍රී ලංකාවේ ආරම්භක පිතිකරු දිමුත් කරුණාරත්න නම් කර තිබෙනවා. අයිසිසි ය විසින් නම් කරන ලද මෙම කණ්ඩායමේ නායකත්වයට ඉන්දීය කණ්ඩායමේ නායක විරාත් කෝලි නම් කර ඇත.
අයිසිසි ය විසින් නම් කරන ලද වසරේ ටෙස්ට් කණ්ඩායමට ඇතුලත් වී ඇති එකම ශ්‍රී ලාංකික ක්‍රීඩකයා වන්නේ දිමුත් කරුණාරත්න පමණක් වීමද විශේෂත්වයක්. එමෙන්ම එම කණ්ඩායමේ ආරම්භක පිතිකරු ලෙස ඔහු නම් කර ඇති අතර ඔහු ගේ සහයක ආරම්භක පිතිකරු ලෙස නම් කර තිබෙන්නේ නවසීලන්ත පිලේ ටොම් ලතැම්ය.
අයිසිසි ය නම් කරන ලද වසරේ එක්දින කණ්ඩායමට ශ්‍රී ලංකා පිලේ කිසිදු ක්‍රීඩකයෙක් ඇතුලත් නොවීමද විශේෂත්වයක්.
මේ අතර අයිසිසිය විසින් පිරිනමන වසරේ හොදම විනිසුරුවරයාට හිමි ඩේවිඩ් ෂෙපර්ඩ් කුසලානය දිනා ගැනීමට ශ්‍රී ලංකාවේ කුමාර් ධර්මසේන සමත්ව තිබෙනවා. ඔහු හොඳම විනිසුරුවරයාට හිමි අයිසිසි සම්මානය දිනා ගනු ලැබූ දෙවන අවස්ථාව මෙය වනවා.


විරාත් කෝලි ICC සම්මාන තුනම දිනා ගනියි .ICC වසරේ ටෙස්ට් කණ්ඩායමට දිමුත් නම් කෙරේ : වසරේ හොඳම විනිසුරු කුමාර් ධර්මසේන විරාත් කෝලි ICC සම්මාන තුනම දිනා ගනියි .ICC වසරේ ටෙස්ට් කණ්ඩායමට දිමුත් නම් කෙරේ : වසරේ හොඳම විනිසුරු කුමාර් ධර්මසේන Reviewed by CHAA MEDIA on January 22, 2019 Rating: 5

ටෙස්ට් පිටියේ අසමසම වාර්තාවක් බිහිකළ වෙත්තමුණි පවුලේ ‘මිත්‍ර’ සමු ගනී

January 21, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
මෙරට ක්‍රිකට් ක්‍රීඩා වංශ කතාවේ නොමැකෙන නමක් සටහන් කළ වෙත්තමුණි පවුලේ දෙවැන්නා වන මිත්‍ර වෙත්තමුණි මහතා වකුගඩු ආශ්‍රිත රෝගාබාධයක් හේතුවෙන් පෙරේදා අභාවප්‍රාප්ත විය. මිය යනවිට 68 හැවිරිදි වියෙහි පසුවූ මිත්‍ර වෙත්තමුණි මහතා ආනන්ද විදුහලෙන් බිහිවූ විශිෂ්ටතම පිතිකරුවෙකි. හෙතෙම 1983 වසරේ නවසීලන්තයේ පැවැති ටෙස්ට් තරගමාලාවේදී සිය බාල සොයුරු සිදත් වෙත්තමුණි සමග එක්ව ශ්‍රී ලංකා ඉනිම ආරම්භ කරමින් වාර්තාපොතට එක්විය. එවකට එය වාර්තාවූයේ ටෙස්ට් තරගයකදී ඉනිමක් ආරම්භ කළ ලෝක ටෙස්ට් ක්‍රිකට් පිටියේ තුන්වැනි සොයුරු යුගලය ලෙසටය. ඊට පෙර එංගලන්තය වෙනුවෙන් 1880දී සුප්‍රකට ග්‍රේස් පවුලේ ඊ.එම්.ග්‍රේස් සහ ඩබ්.ජී.ග්‍රේස් ද, පාකිස්තානය වෙනුවෙන් 1969දී හනීෆ් මොහොමඩ් සහ සදික් මොහොමඩ් සොයුරන් ද ටෙස්ට් ඉනිමක් ආරම්භ කරමින් වාර්තාපොතට එක්වී සිටියහ.
ශ්‍රී ලංකාව වෙනුවෙන් ටෙස්ට් තරග 2කට සහ එක්දින තරගයකට ක්‍රීඩා කළ ඒ මහතාට ජාතික කණ්ඩායම වෙනුවෙන් වැඩි දායකත්වයක් ලබාදීමට නොහැකිවූවත් වසර 1970දී ආනන්ද විදුහලේ පළමුපෙළ ක්‍රිකට් පිලට නායකත්වය ලබාදෙමින් පිත්තෙන් මෙන්ම සිය පිටදඟ පන්දුවෙන් ප්‍රතිවාදින් මෙල්ල කිරිමට සමත්වූ එවකට කැපී පෙනුණු ක්‍රීඩකයකු විය. වසර 1969 -70 කාලයේ පාසල් ක්‍රිකට් කණ්ඩායමක් නියෝජනය කරමින් සාර්ථක ඉන්දීය සංචාරයකට එක්වූ අතර පසුව ශ්‍රී ලංකා පිලේ නායකත්වය දැරූ බන්දුල වර්ණපුර හා දුලිප් මෙන්ඩිස් මහත්වරු සමග එම අවුරුදු 19න් පහළ ටෙස්ට් තරගමාලාවෙන් ශ්‍රී ලංකාවට තරග 2-0ක විශිෂ්ඨ ජයක් අත්කරදීමට දායකත්වය ලබාදුන්නේය.
ඔහුගේ වැඩිමල් සොයුරු සුනිල් වෙත්තමුණි ගුවන් නියමුවරයකු ලෙස කටයුතු කරන අතර බාල සොයුරු සිදත් වෙත්තමුණි කලක් ශ්‍රී ලංකා ක්‍රිකට් අතුරු කමිටුවේ සභාපතිවරයා ලෙස කටයුතු කළේය.
ඔහුගේ බිරිඳ ස්ටැෆර්ඩ් ජාත්‍යන්තර පාසලේ අධ්‍යක්ෂිකාවක් වන අතර පුතුන් දෙදෙනා වෙත්තමුණි පවුලේ වැඩිමලා වූ සුනිල් වෙත්තමුණි මහතාගේ අඩිපාරේ යමින් ගුවන් නියමුවෝ බවට පත්වූහ.
මිත්‍ර වෙත්තමුණි මහතාගේ අවසන් කටයුතු බොරැල්ල සුසාන භූමියේදී ඊයේ සිදුකෙරිණි.
ෆවුස් මොහොමඩ්
උපුටා ගැනීම - දිනමිණ වෙබ් පුවතින්

ටෙස්ට් පිටියේ අසමසම වාර්තාවක් බිහිකළ වෙත්තමුණි පවුලේ ‘මිත්‍ර’ සමු ගනී ටෙස්ට් පිටියේ අසමසම වාර්තාවක් බිහිකළ වෙත්තමුණි පවුලේ ‘මිත්‍ර’ සමු ගනී Reviewed by CHAA MEDIA on January 21, 2019 Rating: 5

ද්‍රවිඩ සංගමය සී.සී.සී-කෝල්ට්ස් සුපිරි අටේදී ජය ලබති

January 21, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
නිරෝෂාන් ප්‍රියංකර
අන්තර් සමාජ පළමු පෙළ ‘ඒ’ ශ්‍රේණියේ ක්‍රිකට් තරගාවලියේ සුපිරි අට වටයේ පළමු සතියේදී පූර්ණ ජයග්‍රහණ අත්කර ගැනීමට ද්‍රවිඩ සංගමය, සී.සී.සී සහ කෝල්ට්ස් ක්‍රීඩා සමාජ සමත් වූහ.
ද්‍රවිඩ සංගම් පිල එන්.සී.සී. පිටියේදී එස්.එස්.සී පිලට එරෙහිව කඩුලු 8ක ජයක් අත්කරගත් අතර සී.සී.සී පිල යුද හමුදාවට එරෙහිව පී.සරවනමුත්තු පිටියේ පැවැති තරගයෙන් කඩුලු 6ක් හිමිකර ගත්තේය. කෝල්ට්ස් පිල කඩුලු 4කින් එන්.සී.සී. පිල පරාජයට පත් කළේ සී.සී.සී පිටියේදීය. සැරසන්ස් පිල සහ හලාවත මේරියන්ස් අතර සුපිරි අට වටයේ තරගය එස්.එස්.සී පිටි‍යේ පැවැති අතර එම තරගයෙන් පළමු ඉනිමේ ජය අත්කර ගැනීමට සැරසන්ස් ක්‍රීඩකයෝ සමත් වූහ.
සුපිරි අට වටයේ තරග අරඹමින් පැවැති පළමු සතියේදීම ද්විත්ව ශතක වාර්තා කිරීමට සැරසන්ස් ක්‍රීඩා සමාජයේ ප්‍රමෝද් මධුවන්ත සහ ද්‍රවිඩ සංගම් ක්‍රීඩා සමාජයේ සචිත්‍ර සේරසිංහ සමත් වුහ.
ප්‍රමෝද් පළමු පෙළ තරග දිවියේ සිය මංගල ද්විත්ව ශතකය වාර්තා කළේ හලාවත මේරියන්ස් පිලට එරෙහිවය. පන්දු 367ක් වැයවූ ඔහුගේ ඉනිම හතරේ පහර 27කින් වර්ණවත් විය. සැරසන්ස් පළමු ඉනිමේදී ගමිඳු කනිෂ්ක (109) සමගින් තෙවැනි කඩුල්ලට ලකුණු 135ක සබඳතාවක් පිහිටුවීමටද ඔහුට හැකිවිය. පළමු පෙළ තරග 17කට එක්වූ විසිඑක් හැවිරිදි ප්‍රමෝද් මින් පෙර රැස්කර තිබූ ඉහළම ලකුණු සංඛ්‍යාව 86කි.
එස්.එස්.සී පිලට එරෙහිව පැවැති තරගයේදී සචිත්‍ර සේරසිංහ සිය ද්විත්ව ශතකය (204) රැස්කළ අතර හතරේ පහර 21කින් සහ හයේ පහරකින් අලංකාර වූ ඔහුගේ ඉනිමට පන්දු 261ක් වැය විය. 5 වැනි කඩුල්ලට යශෝද මෙන්ඩිස් සමගින් ලකුණු 102ක් එක්කළ සේරසිංහ, රමිත රඹුක්වැල්ල (124) සමග 6 වැනි කඩුල්ලට එක්කළ ලකුණු සංඛ්‍යාව 176කි.
සී.සී.සී පිල වෙනුවෙන් අෂාන් ප්‍රියංජන් ලකුණු 180ක් රැස්කළ අතර එම කණ්ඩායමේ වනිඳු හසරංගට ලකුණු 3කින් ශතකය අහිමිවීමද කැපී පෙනෙන සිදුවීමක් විය. ගමිඳු කනිෂ්ක (සැරසන්ස්), යශෝද ලංකා සමග ඕෂද ප්‍රනාන්දු (හලාවත), මාලිංග අමරසිංහ (එන්.සී.සී.) සහ රමිත රඹුක්වැල්ල (ද්‍රවිඩ සංගම්) ද සුපිරි අට තරගවලදී ශතක රැස් කිරීමට සමත් වූහ.
සී.සී.සී ක්‍රීඩා සමාජයේ මාලින්ද පුෂ්පකුමාර යුද හමුදා පිලේ කඩුලු 6ක් ලකුණු 107කට දවා ගැනීම නිමාවූ සතියේ සුපිරි අට තරගවලදී හොඳම පන්දු යැවීම ලෙස වාර්තාවූ අතර යුද හමුදාවේ දුෂාන් විමුක්ති ද සී.සී.සී පිලේ කඩුලු 6ක් දවා ගත්තේ ලකුණු 135ක් ලබාදෙමිනි. මාලින්ද පුෂ්පකුමාර යුද හමුදා දෙවැනි ඉනිමේ කඩුලු 3ක් සමගින් සමස්ත තරගයේදී කඩුලු 9ක් දවා ගත්තේය.
පන්දු යැවීමේ ඉරියව් හේතුවෙන් ජාත්‍යන්තර තරග තහනමකට ලක්ව සිටින කෝල්ට්ස් ක්‍රීඩා සමාජයේ අකිල ධනංජය එන්.සී.සී පළමු ඉනිමේදී කඩුලු 5ක් බිඳ දැමූ අතර රමිත රඹුක්වැල්ල සහ සචිත්‍ර සේරසිංහ (ද්‍රවිඩ සංගම්) සහ හරීන් වීරසිංහ (සැරසන්ස්) කඩුලු 5 බැගින් දවා ගනිමින් පන්දුවෙන් දස්කම් දැක්වූහ.

ද්‍රවිඩ සංගමය කඩුලු 8කින් දිනයි
එස්.එස්.සී පළමු ඉනිම - 321 (ඕවර 86.1) කෞෂාල් සිල්වා 65, ධම්මික ප්‍රසාද් 50 (රමිත රඹුක්වැල්ල 89/5, දමිත සිල්වා 33/3) සහ දෙවැනි ඉනිම - 304 (ඕවර 88.2) සඳුන් වීරක්කොඩි 68, ක්‍රිෂාන් ආරච්චිගේ 54 (සචිත්‍ර සේරසිංහ 48/5, ෂෙහාන් මධුසංක 107/3, රමිත රඹුක්වැල්ල 60/2)
ද්‍රවිඩ සංගම් පළමු ඉනිම - 536 (ඕවර 133.3) සචිත්‍ර සේරසිංහ 204, රමිත රඹුක්වැල්ල 124, ළහිරු මිලන්ත 56 (අකාෂ් සේනාරත්න 73/4, කසුන් මධුසංක 82/2, තරිඳු රත්නායක 115/2) සහ දෙවැනි ඉනිම - 90/2 (ඕවර 11.3)

සී.සී.සී පිලට කඩුලු 6ක ජයක්
යුද හමුදා පළමු ඉනිම - 295 (ඕවර 105.3) ලක්ෂාන් එදිරිසිංහ 61 (මාලින්ද පුෂ්පකුමාර 107/6, ළහිරු මධුෂංක 32/2) සහ දෙවැනි ඉනිම - 306 (ඕවර 91.2) හිමාෂ ලියනගේ 72, සංජික රිද්ම 61 (වනිඳු හසරංග 40/3, මාලින්ද පුෂ්පකුමාර 113/3, ළහිරු ගමගේ 40/2)
සී.සී.සී පළමු ඉනිම - 464 (ඕවර 123.5) අශාන් ප්‍රියංජන් 180, වනිඳු හසරංග 97 (දුෂාන් විමුක්ති 135/6, රුචිර තාරින්ද්‍ර 123/2) සහ දෙවැනි ඉනිම - 143/4 (ඕවර 24.3) වනිඳු හසරංග නොදැවී 60 (නුවන් ලියනපතිරණ 28/2)

කෝල්ට්ස් පිල කඩුලු 4කින් ජයගනී
එන්.සී.සී පළමු ඉනිම - 251 (ඕවර 56.1) ළහිරු උදාර 85 (අකිල ධනංජය 72/5, ජෙහාන් ඩැනියෙල් 46/2) සහ දෙවැනි ඉනිම - 402/9 (ඕවර 108) මාලිංග අමරසිංහ නොදැවී 107, සාරංග රාජගුරු 78, හසිත බෝයගොඩ 66 (සංගීත් කුරේ 111/4, අකිල ධනංජය 103/2)
කෝල්ට්ස් පළමු ඉනිම - 298 (ඕවර 111.2) ජෙහාන් ඩැනියෙල් 67, නිශාන් මධුෂ්ක 67, ප්‍රියමාල් පෙරේරා 51 (සචින්ත පීරිස් 87/4, ලසිත් ඇඹුල්දෙණිය 101/4) සහ දෙවැනි ඉනිම - 356/6 (ඕවර 94.1) සංගීත් කුරේ 88, ප්‍රියමාල් පෙරේරා නොදැවී 87, හෂාන් දුමිඳු 58, විෂාද් රන්දික 58 (නිමේෂ් ගුණසිංහ 57/4, සචින්ත පීරිස් 104/2)

පළමු ඉනිමේ ජය සැරසන්ස්ට
සැරසන්ස් පළමු ඉනිම - 524 (ඕවර 165.1) ප්‍රමෝද් මධුවන්ත 217, ගමිඳු කනිෂ්ක 109, නිපුන් කරුණානායක 80 (නිමේෂ් විමුක්ති 92/4, සාගර් පරේස් 129/4, චතුරංග කුමාර 84/2)
හලාවත පළමු ඉනිම - 312 (ඕවර 87.5) යශෝධ ලංකා 109, ඕෂද ප්‍රනාන්දු 65, නිමේෂ් විමුක්ති 51 (හරීන් වීරසිංහ 90/5, මොහොමඩ් ඩිල්ෂාඩ් 59/2) සහ දෙවැනි ඉනිම - 329 (ඕවර 98) ඕෂද ප්‍රනාන්දු 105, රිසිත් උපමාල් 72 (චාමිකර එදිරිසිංහ 115/3, මොහොමඩ් ඩිල්ෂාඩ් 25/2, ගමිඳු කනිෂ්ක 37/2, හරීන් වීරසිංහ 104/2)

පළඟ ශූරතා වටය
පළඟ ශූරතා වටය යටතේ තරග 3ක් නිමාවට පත්වූ අතර එහිදී පළමු ඉනිමේ ජයග්‍රහණ අත්කර ගැනීමට බී.ආර්.සී සහ බදුරලිය කණ්ඩායම් සමත් වූහ. බී.ආර්.සී පිල මුවර්ස් පිලට එරෙහිව බ්ලූම්ෆීල්ඩ් පිටියේදී තරග වැදුණු අතර බදුරලිය කණ්ඩායම වරාය අධිකාරිය සමගින් කෝල්ට්ස් පිටියේදී තරග වැදුණි. මීගමුව සහ රාගම අතර කටුනායක පැවැති තරගය නිමාවූයේ විසඳුමකින් තොරවය.
මේ තරගවලදී බදුරලිය ක්‍රීඩා සමාජය වෙනුවෙන් දෙනුවන් රාජකරුණා, කෝසල කුලසේකර සහ සලිඳු උෂාන් ශතක රැස් කළ අතර ලසිත් කෘස්පුල්ලේ සමග ප්‍රසන්සන ජයමාන්න (මීගමුව), සංජය චතුරංග (රාගම), භානුක රාජපක්ෂ (බී.ආර්.සී) සහ අදීෂ නානායක්කාර (වරාය) ද ශතක වාර්තා කළහ.
බදුරලිය කණ්ඩායමේ අලංකාර අසංක සහ මුවර්ස් පිලේ තරිඳු කෞෂාල් ඉනිමකදී කඩුලු 6 බැගින් දවාගත් අතර වරාය අධිකාරියේ ඉමේෂ් උදයංග කඩුලු 5ක් දවා ගැනීමට සමත් විය.
බදුරලියට පළමු ඉනිමේ ජය
බදුරලිය පිල පළමු ඉනිමේ ජය හිමිකර ගත්තේ කෝල්ට්ස් පිටියේ පැවැති තරගයෙන් වරාය අධිකාරියට එරෙහිවය.
බදුරලිය පළමු ඉනිම - 473/9 (ඕවර 119) දෙනුවන් රාජකරුණා 117, කෝසල කුලසේකර නොදැවී 108, සලිඳු උෂාන් 103 (ඉමේෂ් උදයංග 125/5, චානක කොමසාරු 175/2) සහ දෙවැනි ඉනිම - 284/7 (ඕවර 51) සලිඳු උෂාන් 91, ළහිරු සමරකෝන් නොදැවී 51 (චානක කොමසාරු 81/3, චමින්ද බණ්ඩාර 77/2)
වරාය අධිකාරිය පළමු ඉනිම - 348 (ඕවර 95.3) අදීෂ නානායක්කාර 101, ඉමේස් උදයංග 66 (අලංකාර අසංක 83/6, බුද්ධික සංජීව 90/2)

බී.ආර්.සී පිලට පළමු ඉනිමේ ජයක්
මුවර්ස් පිල සමග බ්ලුම්ෆීල්ඩ් පිටියේ පැවැති පළඟ ශූරතා තරගයෙන් පළමු ඉනිමේ ජය හිමිකර ගැනීමට බී.ආර්.සී පිල සමත් විය.
මුවර්ස් පළමු ඉනිම - 321 (ඕවර 75.5) චාමර සිල්වා 81, පබසර වඩුගේ 68, අනුක් ප්‍රනාන්දු 53 (දුවිඳු තිලකරත්න 41/3, තිලකරත්න සම්පත් 93/3, මොහොමඩ් ශිරාස් 85/2) සහ දෙවැනි ඉනිම - 288/8 (ඕවර 80) ඉරෝෂ් සමරසූරිය 87, රමේෂ් මෙන්ඩිස් නොදැවී 68, චාමර සිල්වා 52, පබසර වඩුගේ 51 (මොහොමඩ් ශිරාස් 63/3, දුවිඳු තිලකරත්න 119/3)
බී.ආර්.සී පළමු ඉනිම - 430 (ඕවර 93.4) භානුක රාජපක්ෂ 108, සවීන් ගුණසේකර 93, දුවිඳු තිලකරත්න 53 (තරිඳු කෞෂාල් 127/6, රමේෂ් මෙන්ඩිස් 85/3) සහ දෙවැනි ඉනිම - 61/4 (ඕවර 11)

මීගමුව-රාගම
මීගමුව ක්‍රීඩා සමාජය සහ රාගම ක්‍රීඩා සමාජය අතර කටුනායක මේරියන්ස් ක්‍රීඩාංගණයේ පැවැති තරගය විසඳුමකින් තොරව නිමාවට පත්විය.
මීගමුව පළමු ඉනිම - 474/9 (ඕවර 130.2) ලසිත් කෘස්පුල්ලේ 157, ප්‍රසන්සන ජයමාන්න නොදැවී 122 (සංජය චතුරංග 38/4, අමිල අපෝන්සු 103/2)
රාගම පළමු ඉනිම - 397/8 (ඕවර 138) සංජය චතුරංග නොදැවී 112, සුපේෂල ජයතිලක 90, දිනෙත් තිමෝද්‍ය 72, සමින්ඳ ප්‍රනාන්දු 51 (රොෂෙන් ප්‍රනාන්දු 69/4, උපුල් ඉන්ද්‍රසිරි 105/3)

උපුටා ගැනීම - දිනමිණ වෙබ් පුවතින්
ද්‍රවිඩ සංගමය සී.සී.සී-කෝල්ට්ස් සුපිරි අටේදී ජය ලබති ද්‍රවිඩ සංගමය සී.සී.සී-කෝල්ට්ස් සුපිරි අටේදී ජය ලබති Reviewed by CHAA MEDIA on January 21, 2019 Rating: 5

සෙරීනා අවසන් අටට

January 21, 2019
https://blogger.googleusercontent.com/img/b/R29vZ2xl/AVvXsEgXdlnvLzU2xKZla-9aXOduX8kT_b0Bv9aAmdDxvhyRCPgwKLp6zTPU0Oh9q51vsv9RqHt6EzvQBOmcJEgTOq4u5SKpE_yPVoIIDNVas3JHeatwrOX2LcUk9HekeGW9Wujr4oFWQ-T9ZgBR/s1600/fblink.gif 
සිය 24 වැනි වාර්තාගත ග්‍රෑන්ඩ් ස්ලෑම් ටෙනිස් කුසලානය හඹා යන අමෙරිකාවේ යකඩ ගැහැනිය සෙරීනා විලියම්ස් ඔස්ට්‍රේලියානු විවෘත ටෙනිස් ශූරතාවලියේ ඊයේ පැවැති සිවුවැනි වටයේ තරගයේදී ලෝක ටෙනිස් පිටියේ නොම්මර එකේ ක්‍රීඩිකා රුමේනියාවේ සිමෝනා හැලේප් ලකුණු 6-1ක්, 4-6ක් සහ 6-4ක් ලෙස පරාජය කරමින් අර්ධ අවසන් පූර්ව වටයට සුදුසුකම් ලැබීමට සමත්වූවාය.
මේ වනවිට ඔස්ට්‍රේලියානු විවෘත ටෙනිස් ශූරතාවලිය මෙන් ප්‍රධාන තලයේ ටෙනිස් කුසලාන (ග්‍රෑන්ඩ් ස්ලෑම්) 23කට හිමිකම් කියන මේ 37 හැවිරිදි ක්‍රීඩිකාවට ලොව වැඩිම ග්‍රෑන්ඩ් ස්ලෑම් කුසලාන ප්‍රමාණයක් දිනූ ඔස්ට්‍රේලියාවේ හිටපු ක්‍රීඩිකා මාගරට් කෝට්ගේ වාර්තාව සමකිරීමට තවත් අවශ්‍යවී ඇත්තේ එක් කුසලානයක් පමණි.
ඊයේ තරගයේදී ඉතා ජවසම්පන්න ක්‍රීඩා රටාවක නිරතවූ සෙරීනා මෙල්බර්න් නුවර රොඩ් ලේවර් පිටියේ දී සිමෝනා හැල්පේට එරෙහිව පළමු වටය ජයගත්තේ මිනිත්තු 20ක් ඇතුළතදීය. එහෙත් දෙවැනි හා තුන්වැනි වටවලදී සිමෝනා වෙතින් එල්ලවූයේ දැඩි තර්ජනයකි.
අර්ධ අවසන් පූර්ව වටයේදි සෙරීනාගේ ප්‍රතිවාදිනිය බවට පත්වී සිටින්නේ ස්පාඤ්ඤයේ ගාර්බින් මුගුරූසා පරාජය කරමින් අර්ධ අවසන් පූර්ව වටයට එක්වී සිටින චෙක් රාජ්‍ය යේ කැරොලිනා ප්ලිස්කෝවාය.

උපුටා ගැනීම - දිනමිණ වෙබ් පුවතින්
සෙරීනා අවසන් අටට සෙරීනා අවසන් අටට Reviewed by CHAA MEDIA on January 21, 2019 Rating: 5

ආසියානුකු කුසලාන නැගී එන කණ්ඩායම් ක්‍රීකට් කිරුල ශ්‍රී ලංකාවට

December 15, 2018
ආසියානු කුසලාන නැගී එන කණ්ඩායම් එක්දින ක්‍රීකට් ශරතාව දිනා ගැනීමට ශ්‍රී ලංකාව අද සමත්වුණා.
ඒ ප්‍රභල ඉන්දිය කණ්ඩායම ලකුණු 3 කින් පරාජය කරමින්.
කොළඹ ආර් ප්‍රේමදාස ක්‍රීඩාංගනයේ පැවති තරගයේ පළමුවෙන් පන්දුවට පහරදුන් ශ්‍රී ලංකා නැගී එන කණ්ඩායම නියමිත පන්දුවාර 50 තුල කඩුලු 7 ක් දැවී රැස්කළ ලකුණු සංඛ්‍යාව 270 ක්.
පිළිතුරු ඉනිම ක්‍රීඩා කළ ඉන්දිය නැගී එන කණ්ඩයමට නියමිත පන්දුවාර 50 තුල කඩුලු 9 ක් දැවී රැස් කර ගැනීමට හැකිවුයේ ලකුණු 267 ක් පමණයි.
තරගයේ වීරයා සහ තරගාවලියේ වීරයා ලෙස ශ්‍රී ලංකා නැගී එන කණ්ඩායමේ කමිදු මෙන්ඩිස් සම්මාන දිනා ගත්තා.


ආසියානුකු කුසලාන නැගී එන කණ්ඩායම් ක්‍රීකට් කිරුල ශ්‍රී ලංකාවට ආසියානුකු කුසලාන නැගී එන කණ්ඩායම් ක්‍රීකට් කිරුල ශ්‍රී ලංකාවට Reviewed by CHAA MEDIA on December 15, 2018 Rating: 5

දේශීය තරගවලදී පන්දු යවා නිවැරැදි වෙන්න අකිලට අවස්ථාවක්

December 11, 2018

ජගත් තහනමට එරෙහි අභියාචනා බෑ

පන්දු යැවීමේ ඉරියව්ව නීති විරෝධී බවට තහවුරුවීමෙන් පසු එම තීන්දුවට එරෙහිව අභියාචනයක් ඉදිරිපත් කළ නොහැකි බව ශ්‍රී ලංකා ක්‍රිකට් ප්‍රධාන විධායක ඈෂ්ලි ද සිල්වා මහතා පවසයි. තහනම ඉවත්කර ගැනීමට ගත හැකි එකම පියවර වන්නේ ඔහු විසින්ම සිය පන්දු යැවීමේ ඉරියව් නිවැරදි කර යළි පරීක්ෂණය සඳහා පෙනී සිටීම බව ඒ මහතා පැවැසීය. ශ්‍රී ලංකාවේ පැවැත්වෙන අන්තර් ක්‍රීඩා සමාජ ක්‍රිකට් තරගාවලියට ක්‍රීඩා කිරීම උදෙසා අකිල ධනංජයට බාධාවක් නොමැති හෙයින් පන්දු යැවිමේ ඉරියව්ව නිවැරදි ආකාරයට සකස් කර ගැනීමට අවස්ථා ඇතැයි සිල්වා මහතා පැවැසීය.
අකිලගේ පන්දු යැවීම නිවැරදි බවට දේශීය පුහුණුකරුවන් තහවුරු කිරීමෙන් අනතුරුව නැවතත් ජාත්‍යන්තර පරීක්ෂණයට මුහුණ දී එම පරීක්ෂණයෙන් සමත් වුවහොත් ශ්‍රී ලංකා ක්‍රිකට් පිලට එක්වීමේ අවස්ථා හිමිවනු ඇත. නිමා වූ ශ්‍රී ලංකා - එංගලන්ත ටෙස්ට් ක්‍රිකට් තරගාවලියේ ගාල්ලේ පැවැති පළමු තරගයෙදී අකිලගේ පන්දු යැවීමේ ඉරියව්ව සැක සහිත බවට විනිසුරුවෝ තීරණය කළහ. ඒ නිසා ඔහුට තෙවැනි ටෙස්ට් තරගයේ සිට ක්‍රීඩා කිරීමේ අවස්ථා අහිමිවිය.
අනතුරුව අකිල සිය පන්දු යැවීමේ ඉරියව්ව පරීක්ෂා කිරීම සදහා පසුගිය මස 20වැනිදා ඔස්ට්‍රේලියාවේ බ්‍රිස්බෙන් නුවර බලා පිටත්ව ගිය අතර එම විද්‍යාත්මක පරීක්ෂණවලදී ඔහුගේ ඉරියව්ව නීති විරෝධී බවට තහවුරුවී මේ තාවකාලික තහනම පැනැවුණි. අකිල ධනංජයගේ පන්දු යැවීමේ විලාසය නීති විරෝධී බව ස්වාධීන පරීක්ෂණයක් මගින් තීන්දු කර ඇතැයි ජාත්‍යන්තර ක්‍රිකට් කවුන්සිලය නිල නිවේදනයක් ද නිකුත් කළේය. ජාත්‍යන්තර ක්‍රිකට් තරගවලට අදාලව පන්දු යැවීම වහා ක්‍රියාත්මක වන පරිදි තහනම් කර ඇති බව එම නිවේදනයේ සදහන් වේ.
ජාත්‍යන්තර ක්‍රිකට් නීතිය අනුව පන්දු යවන්නෙකුට පන්දු යවන අත අංශක 15 ඉක්මවා යැවිය නොහැකි බවත්, අකිල එම සීමාව ඉක්මවා පන්දු යවන බවත් පරීක්ෂණයෙන් අනාවරණයවී තිබේ. මෙවැනිම චෝදනාවක් ලොව අංක එකේ පන්දු යවන්නා වූ මුත්තයියා මුරලිදරන්ට ද එල්ලවූ අතර පරීක්ෂණ කිහිපයකින් අනතුරුව ඔහු නිදහස ලබා ජාත්‍යන්තර පිටියට එක්විය.
අකිල ධනංජය කොළඹ කෝල්ට්ස් ක්‍රීඩා සමාජයට ක්‍රීඩා කරන අතර තහනමින් පසුව සැරසන්ස් හා සී. සී. සී. කණ්ඩායම්වලට එරෙහිව අන්තර් ක්‍රීඩා සමාජ පළමු පෙළ තරග දෙකකට සහභාගී විය. එම තරග දෙකේදී ඔහු ලකුණු 233කට කඩුලු 5ක් දවා ගත්තේය.


උපුටා ගැනීමකි
දිනමිණ
දේශීය තරගවලදී පන්දු යවා නිවැරැදි වෙන්න අකිලට අවස්ථාවක් දේශීය තරගවලදී පන්දු යවා නිවැරැදි වෙන්න අකිලට අවස්ථාවක් Reviewed by CHAA MEDIA on December 11, 2018 Rating: 5
ads 728x90 B
Powered by Blogger.