• ලංකාවට පැමිණෙන ගුවන් මගීන් මෙම රෝගය පිළිබඳව ගුවනේදීම දැනුවත් කරන අතර යමෙකුට රෝග ලක්ෂණ එනම්, අධික උණ, කැස්ස, සෙම් ප්‍රතිශ්‍යාව සහ හුස්ම ගැනීමේ අපහසුතාව තිබේ නම්, ගුවන් තොටුපළේ සෞඛ්‍ය අංශයට වාර්තා කරන ලෙසට උපදෙස් ලබා දෙනු ලැබේ.
• ගුවන් තොටුපළේ සෞඛ්‍ය අංශය දවසේ පැය 24 පුරාම ක්‍රියාත්මක වේ.
• ලංකාවට පැමිණෙන මගීන් අතර උණ සහිත රෝගීන් සිටීදැයි නිරීක්ෂණය කිරීම සඳහා ස්කෑනර් යන්ත්‍ර ස්ථාපනය කර ඇත.
• ස්වසන රෝග ලක්ෂණ සහිත මගියකු ගුවන් තොටුපළ සෞඛ්‍ය අංශයට වාර්තා වුවහොත් ඔවුන්ට නව කොරෝනා වෛරස රෝගය තිබේදැයි සැක කළ හැකිද යන්න පරීක්ෂා කරනු ඇත.
• එවැනි අවධානමක් තිබේ නම් ඔවුන් රෝහල් ගතකර අවශ්‍ය පරීක්ෂණ සහ ප්‍රතිකාර ලබාදෙනු ඇත.

• ජනාකීර්ණ තැන්වල ගැවසීමෙන් වළකින්න.
• අත් නිතර සබන් යොදා සේදීම සහ ඇල්කොහොල් සහිත පිරිසිදු කාරක යොදා පිරිසිදු කරන්න.
• කහින විට හෝ කිවිසුම් යනවිට අතේ වැළමිට ප්‍ර දේශය පාවිච්චි කර මුඛය හා නාසය ආවරණය කරගන්න. නැතිනම් ටිෂූ පාවිච්චි කර ඒවා ආරක්ෂිතව අපහරණය කරන්න.
• උණ සහ කැස්ස සහිත අය සමීපව ආශ්‍රය කිරීමෙන් වළකින්න.
• ඔබ නව කොරෝනා වෛරස් රෝගය සහිත පළාතක සිට පැමිණි පසු උණ සහ කැස්ස වැළඳේ නම් වහාම වෛද්‍ය ප්‍රතිකාර සඳහා යොමුවන්න.

බුදුරජාණන් වහන්සේගේ ඉපදීම, බුදුවීම හා පිරිනිවෙන යන තෙමඟුල සමරන පූජනීය වෙසක් උත්සවයට බොදුනු ජනතාව වෙත ඉමහත් සෙනෙහසින් සුභාශිංසන පල කර සිටින බව අති උතුම් මැල්කම් කාදිනල් රංජිත් හිමියන් සිය වෙසක් දින පණිවුඩයෙන් ප්‍රකාශ කර ඇත.
මානව වර්ගයා කෙරෙහි පමණක් නොව සියලු සතුන්ට මෛත්‍රිය පෑමට කියාදෙන උතුම් බෞද්ධ දර්ශනයට තමන් පෞද්ගලිකවම විශේෂ ගෞරවයක් දක්වන බව එතුමන් ප්‍රකාශ කරයි.
වසර 2500කට වැඩි කලක් මෙරට ජන විඥාණය පෝෂණය වන්නේ බෞද්ධ චින්තනයෙන් බවත් අදහන ආගම කුමක් වුවද ඒ හැම ආගමකටම බුදු දහම සරු පසක් බව කාදිනල් හිමි කියා සිටියි.
එසේ වන්නේ කිතු දහම ඇතුළු ලොව ප්‍රධාන ආගම් සියල්ලේම පදනම ප්‍රේමය වීම බව උන් වහන්සේ කියා සිටියි.
වෙනදාට වඩා අපේ ආගමික පැවැත්ම පරීක්ෂාවට ලක්වන සමයක වෛරය ආගම කරගත් ත්‍රස්තවාදය අද ආගම් සියල්ලටම බලවත් අභියෝගයක් බව එතුමන් සඳහන් කරයි.
එහෙත් වෛරය පරාජය කළ හැක්කේ මෛත්‍රියට පමණක් බවත් එබැවින් එය අධ්‍යාත්මික පැවැත්මේ කේන්ද්‍රය කර ගත යුතු බවත් උන් වහන්සේ පෙන්වා දෙයි.
වෛරයේ ගිනි නිවා සියල්ලන් සුවපත් කර උතුම් වු දැහැමියාවකට පිය නගමුයැයි කාදිනල් හිමියන් ප්‍රකාශ කර සිටියි.

වසර පන්දහසක් පැරණියි

අනාදිමත් ඉතිහාසයකට නෑකම් කියන ලග්ගල වෙද පරපුරේ පැරණි පුස්කොළ පොත් 



ලෝක උරුමයක් බවට පත්වූ නකල්ස් රක්ෂිත කලාපයට අයත් ලග්ගල ප්‍රාදේශීය ලේකම් කොට්ඨාසය පුරා විහිදී ගිය අතීත සිදුවීම් හා වත්මනේ දක්නට හා අසන්නට ලැබෙන බොහෝ දෑ සැබැවින්ම ඇස් අදහා ගත නොහැකි දේය. 

ඉපැරණි සිංහල වෙදකම පරම්පරාවෙන් පරම්පරාවට පවත්වා ගෙන යමින් අදටත් සිංහල වෙදකමේ විස්මිත හාස්කම් පාන ලග්ගල වෙද පරපුරේ තවත් අනගි කටයුත්තක් ඉරිදා ලංකාදීප පාඨක ඔබ වෙත තිළිණ කරන්නට ලැබීම භාග්‍යයක් සේ සලකමි.

දේශීය වෛද්‍ය විද්‍යාවට අනුව මිනිස් සිරුරේ සුව කළ නොහැකි රෝගයක් නොමැති තරම්ය.

 වසර පන්දහසකට වැඩි ඉතිහාසයකට නෑකම් කියන පරපුරක පුරුක් යැයි හඳුන්වන ලග්ගල පැරැන්නන් අතර හෙළ වෙදකමේ දක්ෂකම් දක්වන දේශීය වෛද්‍යවරුන් පිරිසක් තවමත් ලග්ගල ප්‍රදේශයේ නිහඬ සේවාවක නිරතව සිටිති.

ලග්ගල ප්‍රාදේශීය ලේකම් කාර්යාලය මගින් පවත්වාගෙන යනු ලබන ලග්ගල ආයුර්වේද සංරක්ෂණ සභාව නියෝජනය කරමින් කටයුතු කරන පනහකට වැඩි වෛද්‍යවරුන් පිරිසක් ලග්ගල අදටත් වෙසෙති.

ඔවුනොවුන් අතරින් විවිධ ප්‍රතිකාර ක්‍රම සඳහා විවිධ දක්ෂකම් දක්වන පිරිස් බොහෝය. එහෙත් ඔවුනට සිය වෛද්‍ය විද්‍යාව තුළ ඖෂධ නිෂ්පාදනය කෙරෙහි බලපා ඇති ගැටලු රැසකි.

මෙම තත්ත්වය හොඳින් වටහාගත් දුම්බර මිතුරෝ පරිසර සංවිධානය ලග්ගල දේශීය වෛද්‍යවරුන්ගේ ආයුර්වේද නිෂ්පාදන ඉහළ නැංවීමේ අරමුණින් පසුගියදා වැඩසටහනක් සංවිධාන කර තිබිණි.

ඖෂධ නිෂ්පාදනයේ දී බලපාන ගැටලු විසඳා ඔවුන් නගාසිටුවීමේ අරමුණින් මෙම වැඩටහන සංවිධනය කර තිබිණි.

දින ගණනක් තිස්සේ විවිධ පූජෝපහාර පවත්වමින් මහ වන මැද ගමන් කර අවශ්‍ය ඖෂධ රැගෙනවිත් ආයුර්වේද දෙපාර්තමේන්තුවේ හෝ නොමැති “ලග්ගල නීල්‍යාදි තෛල්‍ය” සිඳීමේ කටයුතු සුභ නැකතින් පසුගියදා ආරම්භ විය.

සිය ගණනක් වූ දේශීය ඖෂධ වර්ග වෙන්කර නිසි පිළිවෙත් පුරා නීල්‍යාදි තෛල්‍ය ළිප මත තබන්නට ආයුර්වේද වෛද්‍ය (විශේෂ) ඩබ්ලිව්.එම්.කේ.එම්.ජී. කිරිබණ්ඩා වෙද මහතා අප ඉදිරියේ කටයුතු කළේය.

දින හතරක් මදගින්නේ කැකෑරෙන මේ අතිශ්‍ය වැදගත් තෛලය සිඳෙන්නේ අඳුරෙන් වටවූ ස්ථානයක දීය.

අනාදිමත් පරපුරක පස්වැනි පුරුක වන ආයුරේද වෛද්‍ය කිරිබණ්ඩා මහතා භක්තියෙන් සිය වෙද පරම්පරාවේ තතු අප හා හෙළි කළේ මහත් අභිමානයෙනි.
“ මේ තෙල හිඳිද්දි ගින්දර වැඩියේ දාන්නේ නැහැ. දින ගණනක් යන කටයුත්තක් පසුව තමයි ක්‍රම ක්‍රමයෙන් ගින්දර වැඩිකරන්නේ.

 දින හතරක් විතර යනවා මේ තෙල හිඳගන්න. මේ තෙලට කියන්නේ නීල්‍යාදි තෛලය කියලයි.

 නීල්‍යාදි කියන්නේ නිල් ඇවරිය ප්‍රධාන කරගත්තු ඖෂධ වට්ටෝරුවක් තමයි මේකේ තියෙන්නේ.

 නිල් ඇවරියවල තියෙන විශේෂ ගුණය තමයි හිස කෙස්වලට තියෙන ගුණය. හිස කෙස් කළු කිරීම, වැටීම, පෑසීම වගේ දෙවල් මේ තෙලෙන් නවත්වන්න පුළුවන්. ඒ වගේම මේ තෙලට එක්කරන අනෙක් ඖෂධවලින් හිසේ සෙසු රෝග මෙන්ම වාත රෝගවලටත් ප්‍රතිකාර ලැබෙනවා. සෙම, පිත වාගේ අවස්ථාවන් වලදී පවා මේ තෙලට එක්කර තිබෙන ඖෂධ වලින් ගුණ ලැබෙනවා.


අඳුරේ සැකසෙන ලග්ගලට පමණක් ආවේණික නීල්‍යාදී තෛලය සැකසෙන අයුරු



 ඒ වගේම ඇදුම රෝගයට පිටතින් ගාන්න පුළුවන් තෙලක් මේක. වාත රෝග පවතින පුද්ගලයින්ටත් මේ තෙල භාවිත කරන්න පුළුවන්.

 ඒ වගේම තමයි කැඩුම් බිඳුම් අංශයට අදාළ ඖෂධත් මේ තෙලට එකතු වෙනවා.

 ඒ නිසා තමයි යම් කෙනෙකුගේ හිසට පහරක් වැදුණහම මේ තෙල් ටිකක් ගාපුවහම අඩුවෙලා යන්නේ.

 සිරුරේ තැළීම් සීරීම් මෙන්ම කුඩා කෘමි සතුන්ගෙන් සිරුරට සිදුවන හානිවලටත් මේ තෙල භාවිත කරනවා.

 විශේෂයෙන් පිලිස්සුම් ආදී තත්ත්වයන්වල දී පවා මේ තෙල භාවිත කරනවා.

 අපේ වෙද පරම්පරාවේ පසු වැනියා තමයි මම. මේ කියපු සේරම ප්‍රතිකාර විධි වගේම බෙහෙත් වට්ටෝරු අදටත් පුස්කොළ පොත්වල ලියලා අප සතුව තියෙනවා. වෙන කවුරුත් ගාව මේවා නැහැ.

 ආයුර්වේද දෙපාර්තමේන්තුව පවා මේ තෙල අපෙන් ඉල්ලනවා.

 නමුත් වානිජ මට්ටමෙන්ම මේ තෙල හිඳින්න පහසුකම් අපිට නැහැ. එහෙම බලාපොරොත්තුවකුත් නැහැ.

 මොකද මේ තෙල්වලින් සුවය ලබන්නේ අවට ජීවත්වන පිරිස්. ඔවුන්ගේ සුභසිද්ධිය වෙනුවෙන් තමයි මේ තෙල හිඳින්නේ.

 අපේ මුත්තලා තමයි මේ පිළිබඳ වසර 200 ක පමණ ඈත අතීතයේ පර් යේෂණ කරලා මේ ලග්ගලටම ආවේණික නීල්‍යාදි තෛලය සොයා ගෙන තියෙන්නේ. ඒ පුස්කොළ පොත්වල අපේ මුත්තලාගේ නම් පවා ලියවිලා තියෙනවා.

 වනාන්තරවල තියෙන අමු ඖෂධ වර්ග ගෙනැල්ලා කොටලා ඒවගේ යුෂ වෙනම වෙන්කරලා සරක්කු වර්ග ඉතා සියුම් විදිහට කුඩු කරලා අරගෙන අඹරන්න තියෙන ඖෂධ වර්ග අඹරලා අරන් තමයි මේ තෙල සැකසෙන්නේ.

 මගේ පියතුමත් වෛද්‍යවරයෙක්. එතුමා නැතිවෙලා දැනට වසර 35 ක් පමණ වෙනවා. මමත් මේ කටයුතු කරන්න අරන් වසර 30ක් පමණ වෙනවා.”

 පාරම්පරිකව අනාදිමත් කාලයක සිට පැවත එන ලග්ගල වෙද පරපුර වෙනුවෙන් ඔවුන්ගේ නිෂ්පාදන නැවත පණ ගැන්වීම වෙනුවෙන් අත හිත ලබාදුන් දුම්බර මිතුරෝ පරිසර සංවිධානයේ සභාපති ආනන්ද කනහැරආරච්චි මහතා කියා සිටියේ සිය සංවිධානයේ අරමුණ වී ඇත්තේ වැනසී යන දේශීය වෛද්‍ය විද්‍යාවට නැවත ජීවයක් ලබාදීම බවයි.
“ඇත්තටම ලග්ගල කියන්නේ “ජන කෝෂ්ඨාගාරයක්” සිංහල වෙදකමේ අක්මුල් තිබුණු ස්ථානයක්.

මේ ප්‍රදේශයේ ඉතාම පැරණි මෙන්ම අත්දුටු ඖෂධ වර්ග ගණනාවක් අදටත් ඉතිරිවෙලා තියෙනවා. අපි කනගාටු වෙන්න ඕනේ ඒවගේ ඉතාමත් රහස්‍ය බෙහෙත් හා ඖෂධ වර්ග පිළිබඳ දැනන් හිටපු බොහෝ වෛද්‍යවරුන් පිරිසක් මේ වෙනකොට ජීවතුන් අතර නෑ මේ පරිසරයේ.

මේ කටයුතුවල නිරතවෙලා ඉන්න මේ වෙදමහත්වරු ඇත්තටම ජාතික සම්පතක් වගේම ලෝකයටම සම්පතක්.

ඒ නිසාම තමයි අපි උත්සාහ කළේ ලෝකේ මිනිසුන්ට සෙත ශාන්තිය සලසන්න පුළුවන් මේ ප්‍රතිකාර ක්‍රම ඉදිරියට ගෙනියන්න.

හිසේ රෝග සුව කරනවා කියන්නේ මිනිස්සුන්ගේ ජීවිතේම ගොඩදැමීමක්නේ. ඒ නිසා තමයි දුම්බර මිතුරෝ පරිසර සංවිධානය විදිහට අපි උත්සාහ කළේ මේ තෙල් වර්ග නිෂ්පාදනය කරන්න.

මෙතන දී එක කාරණයක් කියන්න ඕනෑ. මේ උත්සාහය මේ නිෂ්පාදන රට පුරා බෙදන්න හෝ ලාභ උපයන්න නෙවෙයි. මේ අයගෙන්ම බෙහෙත් ගන්න එන අයට ප්‍රතිකාර කරන්නයි මේ වෑයම.

තවත් කාරණයක් තමයි මේ වෙදමහත්වරු සමග එකතුවෙලා අතීතයේ භාවිතයට ගැනුණු ප්‍රතිකාර ක්‍රමවලට ජීවයක් ලබාදෙන එකත් අපේ අරමුණක්.

මේ කටයුතු සාර්ථක කරන්න අපට එක්සත් ජාතීන්ගේ සංවිධානයේ JEP පරිසර වැඩසටහන තමයි උදව් උපකාර කරන්නේ.

අපි ඉදිරියටත් බලාපොරොත්තු වෙනවා මේ වෙද මහත්වරුන්ගේ තවත් වට්ටෝරු කිහිපයක් අත්හදා බලන්න වගේම ඒ සඳහා අවශ්‍ය සහාය ලබාදෙන්න.”

ආනන්ද කනහැරආරච්චි මහතා සිය අදහස් එලෙස ප්‍රකාශ කරද්දී කිරිබණ්ඩා වෙද මහතා විසින් ආරක්ෂා
කරගෙන එනු ලබන සිය පරම්පරාවේ පුස්කොළ පොත් සියල්ල අප ඉදිරියේ දිගහැරියේ මහා අතීතයක සිය උරුමය නිර්ලෝභීව තවකෙකුට පෙන්වන විලාශයෙනි.
ඇසේ කටුවක් ඇනුණු කල ඇසට හානියක් නොමැතිව ඉවත් කරන විස්මිත වෛද්‍ය ක්‍රම මෙන්ම මිනිස් සිරුරේ සිදුවන සියලු ලෙඩ රෝගවලට ප්‍රත්‍යක්ෂ මෙන්ම අත්දුටු බව සඳහන් කළ වටිනා පුස්කොළ පොත් රැසක් තවමත් මේ වෙද මහතා සුරැකිව තබාගෙන සිටියි.

සිංහල භාෂාවේ අපූරු දියුණු යුගයක (පුස්කොළ පොත්වල සටහන් වී ඇති ආකාරයට 1904 වර්ෂයේ පමණ මේවා ලියා තිබේ) සිංහල ආකාරාදී පිළිවෙළට මෙම පුස්කොළ පොත් ලියා ඇත.

මෙහි අංකනය කිරීම් මෙන්ම වැරදුණු ස්ථානයක් වේ නම් පුස්කොළ පොතේ අවසානයේ එවා නිවැරදි කර නැවත ලියා ඇති ආකාරය විස්මය දනවනසුලුය.

එපමණක්ද නොව කිරිබණ්ඩා මහතාගේ පරම්පරාවේ අතීත මුත්තන් විසින් මෙම බෙහෙත් අත්හදා බලා සාර්ථක වූ කල පුස්කොළ පොත්වල විවිධ ක්‍රම ඔස්සේ සලකුණු තබා ඇති බව අපට පෙන්නා දුන්නේ කිරිබණ්ඩා වෙද මහතාය.

ලග්ගල පුරාණය පිළිබඳ ගවේෂකයෙකුට හමුවන ලිඛිත මෙන්ම ප්‍රවාද ඔස්සේ ගමන් කළ විට අතීත රාවණ යුගය පිළිබඳ බොහෝ දේ සොයාගත හැකිය.

රාවණාගේ ඖෂධ උයනක් ලකේගල සමීපයේ පැවතීම හා ඒ ආශ්‍රිතව ජීවත්වූ අතීත පිරිස් මේ උයනේ ඖෂධ විවිධ ප්‍රතිකාර ක්‍රම සඳහා යොදා ගැනීම සිදුකර ඇති බවට සාක්ෂි මේ පරිසරයේ කොතෙකුත් හමුවේ.

විශේෂයෙන් ළිං හැරීමේ දී ලග්ගල වැසියන්ට හමුවී ඇති විවිධ ආයුධ කොටස් (මේවා ආචාර්ය සූරිය ගුණසේකරයන්ට අනුව ‘ශර’ ලෙස හැඳින්වෙයි) මේ පිළිබඳව විමර්ශනය කිරීමේ දී එවා පාර්ලිමේන්තුවේ සෙංකෝලයේ අගකොටසට සමාන බව ලග්ගල වැසියන් පවසා ඇතැයි පෘතුගීසි ජාතික ක්වේරෝස් පියතුමන් පවසා ඇතැයි මේ සම්බන්ධයෙන් අප කළ විමසීමකදී ආචාර්ය සූර්ය ගුණසේකර මහතා කියා සිටියේය.




මෙවැනි දෑ රාවන යුගයේ අවි ආයුධවල කොටස් බව පවසන සූරිය ගුණසේකරයන් කියා සිටියේ එවැනි අවි පැවති සමාජයක ඒවායින් සිදුවන තුවාල සඳහා ප්‍රතිකාර විධික්‍රම ද ලග්ගල පරිසරය තුළ පැවති බවයි.

ලග්ගල, රූමස්සල, සීතාඑළිය හා හග්ගල පවතින පැරණි ඔසු උයන් ද රාවණ යුගය දක්වා දිවයන බවත් ලග්ගල නොහොත් ඉලක්කගල රාවණාගේ ජ්‍යෙතිෂ්‍ය විද්‍යාවේ අංශක බිංදුවේ අංශකය වූ බවත් ලග්ගල වැසියන් සඳහන් කරන බවත් සූරිය ගුණසේකර මහතා කියා සිටියේය.

බුදුන්වහන්සේ ලංකාවට වැඩම කළ සමකාලීන අවදියේ එනම් ක්‍රි.පූ. 6 සියවසේ දී මධ්‍යම කඳුකරයේ විශාල ඔසු උයනක් පැවති බවට සැක සිතිය හැකිය.

සූරිය ගුණසේකරයන්ට අනුව පුලින්ද, ව්‍යාධ, සබර, මලක්ක, මනුස්ස, උපචරක, වන චරක යනාදී විවිධ නම්වලින් හැඳින්වූ ආදීවාසී ජන කොටස් මෙම ඔසු උයන්වල සේවයේ යෙදී ඇති බවට සාක්ෂි පවතියි.

ශ්‍රී පාද වන්දනාවේ ගිය බොහෝ බැතිමතුන් අතරින් අතරමං වූ ඇතැමෙක් අවස්ථා ගණනාවක දී පලතුරු බහුල වූ වනාන්තරවල දින දෙක තුනක් ඇවිද අවසානයේ මාර්ගවලට පැමිණි අවස්ථා විස්තර කරන මහලු උපාසක උපාසිකාවන් පිළිබඳ පුවත් අදටත් සාක්ෂි දරන්නේ අතීතයේ පැවති උයන් විශේෂ පිළිබඳව වත්මනට සාක්ෂි සපයමිනි.

එනිසාම ලග්ගල දී හමුවන රාවණාගේ මල් උයන මෙන්ම එම පරිසරයේ පමණක් හමුවන විවිධ පැළෑටි වර්ග අදටත් මහා අබිරහසක් ඉතිරි කර තිබේ.

මේ පැළෑටි වලින් අතීතයේ ලබාගත් මහඟු ප්‍රතිඑල වර්තමානයේ තාක්ෂණය විසින් උදුරාගෙන තිබේ.


සටහන හා ඡායාරූප
නාඋල ඉන්දික අරුණ කුමාර

උපුටා ගත්තේ ලංකාදීප වෙබ් පුවතින්

මරියසෙල් ගුණතිලක

ඔය සිදුවීම මුලින්ම ආරංචි වුණු වෙලාවේ මම නාරාහේන්පිට අපි යන පල්ලියට යන ගමනුයි හිටියේ. ඒ ආරංචිය ලැබුණ වෙලාවෙම මම හිතුවේ මගේ හදවත නැවතුණා කියලයි. ඒ තරමටම ලොකු ෂොක් එකක් මට දැනුණා. මම නම් හිතන්නේ මේක පැහැදිලිවම සැලසුම් කරලා කරපු දෙයක් කියලා. ඒක අද කාටත් තේරෙනවනේ. එහෙම සැලසුමක් කරන්න තරම් මනුස්සයෙක්ට පුළුවන්ද? ඒ තරමටම මනුස්සයා පහත වැටිලද කියලයි මට නම් හිතෙන්නේ. ඒක කොච්චර නපුරු කෘෘර ක්‍රියාවක්ද? මනුස්සයෙක්ට මෙච්චර නපුරු සිතුවිල්ලක් ඇතිවෙන්නේ කොහොමද..? ඇත්තටම ඒක මට නම් හිතාගන්නවත් බැහැ. දේවස්ථානයකට ඇතුළුවෙලා මෙහෙම දෙයක් කරන්න මනුස්සයෙක්ට නම් බැහැ. මට නම් හිතෙන්නේ මේක මනස විකෘති වුණු යක්ෂ බලවේගයකින් කරපු දෙයක් කියලයි. මනුස්සයෙකුට මෙහෙම දෙයක් කරන්න බැහැ. මනුස්සයෙක් කියන්නේ තව කෙනෙක්ගේ කරදරයකට හිත උණුවෙන ජාතියක්නේ. තරහකාරයෙක්ගේ විපතකදී වුණත් ඒ හිත උණුවෙනවනේ.
අද වෙනකොට පොඩි දරුවා පවා ඉන්නේ ලොකු තැතිගැන්මකින් බයකින්. ඇත්තටම ඒක කොච්චර පවක්ද? දෙවියන් වහන්සේ ජීවමානයි කියලා කිතුණු බැතිමතුන් වන අපි කවුරුත් විශ්වාස කරන දෙයක්. ඒ කාරණාව අපි අත්විඳලා තියෙනවා. ඒ නිසා ජීවමාන දෙවියන්ගේ මරණයෙන් නැගිටුණු දා කියලා විශ්වාස කරන පාස්කු ඉරිදා වැනි දිනයක මේ වගේ දෙයක් වේවි කියලා අපි කවුරුත් විශ්වාස කළේ නැහැ. ඒත්... දෙවියන් වහන්සේගේ කරුණාව එතැන තිබෙනවා. විශේෂයෙන් කුඩා දරුවන් ගැන ලොකු කරුණාවක් දෙවියන් වහන්සේට තියෙනවා. මේ නිසා ඒ මියගිය හැමෝම දෙවියන් වහන්සේ බලාගනීවි. අපිට දැන් කරන්න තියෙන්නේ නිශ්ශබ්දව, නිහඬව, සාමකාමීව, ඉවසීමෙන් කටයුතු කරන එකයි. මේ වෙලාවේ කාටවත් දොස් පවරන්නේවත්,  කරන්නේවත් නැතිව කිසිම කෙනෙක් දිහා අවිශ්වාසයෙන්, සැකෙන් බලන්නේ නැතිව, හොඳ සෙවිල්ලෙන් ඉන්න ඕනේ. ඒක අපේ වගකීමයි. පාලකයින්ට බැනලා වැඩක් නැහැ. එයාලා ඉන්නේ වෙනම තැනක. අපි ඉන්නේ වෙනම තැනක. ඒ නිසා අපි අපි ගැන සෙවිල්ලෙන්, කල්පනාවෙන් ඉන්න ඕනේ.

නපුරක් කරපු අයට කවදාවත් හොඳක් වෙන්නේ නැහැ

දිනක්ෂි ප්‍රියසාද්

මේ ආරංචිය ලැබුණ වෙලාවේ මගේ හිතට ලොකු දුකක් දැනුණා. තාමත් ඒ ෂොක් එක මගේ හිතේ තියෙනවා. ශාන්ත අන්තෝනි මුණිතුමන් තමයි කොච්චිකඩේ පල්ලියේ ඉන්නේ. ශාන්ත අන්තෝනි මුණිඳුන්ගේ දිනය තමයි අඟහරැවාදා. සාමාන්‍යයෙන් හැම මාසේම පළවෙනි අඟහරුවාදකම අපි ශාන්ත අන්තෝනි දෙව් මැදුරට යනවා. ඊට අමතරව යන්න පුළුවන් හැම අඟහරුවාදාකම අපි ඒ පල්ලියට යනවා. එතැනට කතෝලික බැතිමතුන් විතරක් නෙමේ. හැම ආගමකම අය එනවා. ආගම් භේදයකින් තොරව ශාන්ත අන්තෝනි දෙව්මැදුරට හැමෝම එනවා. ඒක හරියට කතෝලික බැතිමතුන් දළදා මාලිගාවටත් යනව වගේ තමයි. ශාන්ත අන්තෝනි දෙව්මැඳුර අපේ පවුලම විශ්වාස කරන තැනක්. අපිට මොන ප්‍රශ්න තිබුණත් අපි එතැනට ගිහින් බාරහාර වෙනවා. අපි කරන කියන හැමදෙයක්ම හරි ගිහිල්ල තියෙන්නෙත් ඒ දෙව්මැදුරෙන් ලැබෙන ආශීර්වාදයෙන්.
මේ සිදුවීමෙන් අපේ මොකක්දෝ වටිනාම දෙයක් නැතිවුණා වගේ තමයි මට නම් හිතෙන්නේ. හැබැයි එතන ගොඩක් හාස්කම් වෙන තැනක්. ඔතනින් නැතිවුණ මිනිස්සු හැමෝම දැන් මේ වෙද්දී දෙවියන් වහන්සේ ළඟයි ඉන්නේ. ඒ අයට යන්න නරක තැනක් නැහැ. ඒ අය යන්න තියෙන හොඳම තැනට දැන් ගිහිල්ලායි තිබෙන්නේ. ඒ දෙවියන් වහන්සේ ළඟයි. එතන හාස්කම් තිබෙන තැනක්. ඒ තැනට මොනවා හරි නපුරක් කරපු අයට කවදාවත් හොඳක් වෙන්නේ නැහැ.
ඒ ආරංචිය ලැබෙන වෙලාවේ අපි හිටියෙ හෝමාගම අපි යන පල්ලියකයි. ඒ පාස්කු ඉරිදා දේව මෙහෙය පවත්වපු පියතුමා අපේ රටටම ආශීර්වාද කළා. යාඥා කළා. ඒ වෙද්දිත් මේ සිදුවීම වෙලා තිබුණේ නැහැ. කතෝලික බැතිමතුන්ට තිබෙන ලොකුම මංගල්‍යය තමයි පාස්කු මංගල්‍යය. අපේ ආගමේ ඉහළින්ම සමරන්නේ මේ තතාරිය කාලය ඉවරවෙලා පාස්කුව සමරනවා. ජේසු මරණින් උත්ථාන වෙලා සමරන මේ දේ තමයි අපි සමරන ලොකුම දේ වුණේ. ඒක මිනිස්සු දවස් හතළිහ තිස්සේ කැපවුණා. නිරාහාරව ඉඳලා තමයි මේ පාස්කු ඉරිදා සමරන්නේ. අපි දේව පූජාව ඉවරවෙලා එළියට ආපු ගමන් තමයි මේ ආරංචිය අපිට ආවේ. ඒක ඇත්තටම මට දරාගන්න හරි අමාරුයි.

මොන ආගමක වුණත්, මේ නැතිවුණේ අහිංසක මිනිස්සු

නිරංජලා සරෝජිනී

ඇත්තටම මේ සිද්ධිය ආරංචි වුණාම මට පුදුම දුකක් දැනුණා. පක්ෂ පාට, ආගම් භේදවලින් තොරව මේ නැතිවුණේ අහිංසක මිනිස්සු. අපි ආගම අදහන වෙලාවේදී මේ දේ සිද්ධ වුණේ. ඇත්තටම ඒක හරිම පව්කාර වැඩක්. ම්ලේච්ඡ වැඩක්. මනුෂ්‍ය ජීවිතවල වටිනාකම නොදන්නා එවුන් තමයි ඔය දේවල් ඔය විදිහට කරන්නේ. මරාගෙන මැරෙන අයට ජීවිත ගැන වටිනාකමක් නැහැ.
අපිට ජීවිතයක් ලැබෙන්නේ පෙර කරපු පින් අනුවයි. ඒ පින පව් පැත්තට හරවාගෙන මරාගෙන මැරෙන අයට ආයේ ජීවිතයක් නැහැ. මේ සිදුවීම මම හෙළා දකිනවා. මේක ඉතාම කනගාටුදායකයි. මොන ආගමක වුණත්,මේ නැතිවුණේ අහිංසක මිනිස්සු. ජේසුස් වහන්සේ උත්ථාන වුණ දවස ගැන හිතලා සතුටු වෙන්න බැතිමතුන්ට ඉඩ දුන්නේ නැහැ. ඒක ගැන ලොකු කනගාටුවක් තිබෙනවා. මේක ලොකු පව්කාරකමක්.

මැරෙන්න ඕන අය නෙමෙයි මැරෙන්නේ

රොෂාන් රණවන

මේ සිදුවීම වෙද්දී අපි හිටියේ ගෙදරයි. කුශ්ලානි කතෝලික ආගමේ නිසා අපිත් සාමාන්‍යයෙන් පාස්කු ඉරිදාට වගේම සමහර දිනවලදීත් ශාන්ත අන්තෝනි දෙව් මැඳුරට යනවා. කොච්චිකඩේ පල්ලිය කියන්නේ කතෝලික අය විතරක් යන පල්ලියක් නෙමෙයි. බෞද්ධ අය පවා නිතරම කොච්චිකඩේ පල්ලියට යනවා. ජාති ආගම් භේදයක් නැතිව හැමෝම ගෞරව කරන තැනක් තමයි ඒක. ඒ සිදුවීම ආරංචි වුණාම මට නම් අදහාගන්නත් බැරිවුණා.
පාස්කු දවසකට හැම බැතිමතකුම හරිම විශ්වාසයෙන් භක්තියෙන් තමයි පල්ලියට යන්නේ. මේ නැතිවුණේ අහිංසක මිනිසුනුයි. එක එක්කෙනාගේ පටු අරමුණ ඉෂ්ඨ කරගන්න ගිහින් අහිංසක මිනිස්සුන්ගෙත් ජීවිත නැතිවුණා. කිහිපදෙනෙකුගේ අන්තවාදී අදහස් නිසා අහිංසක මිනිස්සු සෑහෙන ගාණක් ජීවිතවලින් වන්දි ගෙව්වා.
මම නම් කියන්නේ මේක කවුරු හරි නවත්තන්න ඕනේ. දැන් සමහරු මේ ගැන එක එක කතා කියනවා. තමන් නිදහස් වෙන්න එක එක්කෙනාට වැරැද්ද පටවනවා. හැබැයි අවසානයේදී මේ හැමදේකින්ම තැලෙන්නේ අහිංසක මිනිස්සු. මැරෙන්න ඕන අය නෙමෙයි මැරෙන්නේ. ඒ නිසා මේ ගැන දිගින් දිගටම කතා කරලා තේරුමක් නැහැ. අද මිනිස්සු ඉන්නේ වෛරයෙන්. හැබැයි ඒ වෛරයෙන් අපි යමක් කළොත් ඒකෙන් වෙන්නේ තවත් අහිංසක මිනිස්සු නැතිවෙන එකයි. ඒ නිසා අදාළ බලධාරීන් මේකෙත් වගකීම් අරගෙන නිවැරදි තීරණ ගන්න ඕනේ. ඇත්තටම මේ හැමදේකින්ම අපි හැමෝම ඉන්නේ පුදුම කලකිරීමකින්.

යක්ෂයා පරද්දන්න නම් අපි ඔක්කොම සමාදානයෙන් වැඩකරමු

වීණා ජයකොඩි

දෙව්මැඳුරට යන හැමෝම දෙවියන් වහන්සේ අදහන, දෙවියන්ට ආදරේ කරන, මනුස්සකමින් පිරුණු දේව දරුවෝයි. දවස් හතළිහක් නිරාහාරව ඉඳලා යාඥා කරලා දෙවියන් වහන්සේගේ ආශීර්වාදය බලාපොරොත්තුවෙන් තමයි මේ බැතිමතුන් දේවස්ථානවලට ගියේ.
මේ වෙච්චි සිද්ධිය දෙවියන්ගෙන් වෙච්චි සිද්ධියක් නෙමේ. ඒක යක්ෂ පරීක්ෂාවක්. යක්ෂයා විසින් මිනිසුන්ගේ මනසට දරුණු ආකල්ප ඇති කරලා මනුස්ස වර්ගයාට තරහ ඇතිකරන, වෛරය ඇති කරන්න කරපු දේවල්. මේ නැතිවෙච්ච ආත්මවලට දෙවියන් වහන්සේගේ ආශීර්වාද කරාවි. මට දැනෙන විදිහට ඒ අහිංසක හැමෝම දෙවියන් වහන්සේ ළඟම ඉන්නවා. පූජාවත් ඉවරවෙලා, ජේසුව ලබලා, ඒ වෙලාවේ දෙවියන් වහන්සේට ස්තූති කරන වෙලාවේදී ජීවිතය හැර යනවා කියන්නේ ඒක දෙවියන් වහන්සේ ළඟට යාමක් කියලයි මට නම් හිතෙන්නේ. මට හරිම දුකයි.
ජේසුස් වහන්සේ අපිට කිව්වේ නොදැන කරන අයට සමාව දෙන්න කියලයි. ඒ නිසා අපි දැන් ඉවසන්න ඕනේ. එක එක්කෙනා කා කොටා ගන්නේ නැතිව, වෛර කරන්නේ නැතිව සමාදානයෙන් ඉන්න ඕනේ. හැමකෙනෙකුටම දුකයි. මේ සිදුවීම හරිම කැතැයි. මම නම් මේ දේවල් දකින්නේ මේ මනුස්සයන් කරන දේවල් නෙමේ. දෙවියන් වහන්සේගේ ආශීර්වාදයකුත් එක්ක නැතිවෙනවා කියන්නේ ඒ අය හොඳින් ඉන්නවා කියලයි. ස්වර්ග රාජ්‍යයේ සතුටු ලබාගන්න ඇති කියලයි මම විශ්වාස කරන්නේ.
මේ සිද්ධිය වෙන වෙලාවේදී මම හිටියේ ගෙදර. අපි එදා රෑ තමයි පල්ලි ගියේ. ජීවිතේ අලුත් කරගන්න තමයි අපි දවස් හතළිහක් නිරාහාරව ඉඳලා, යාඥා කරලා, පසුතැවිලි වෙලා, පාපොච්චාරණය කරලා අපි ඒ හැමදේකින්ම අළුත්වෙලා හැදෙනවා. ඒකෙදි මේ වගේ දෙයක් සිදුවුණා කියන්නේ මේක මනුෂ්‍යයන් විසින් කරපු දෙයක් නෙමේ. මේක යක්ෂ පරීක්ෂාවක්. මේ වගේ දෙයක් කරපු අයට, කවදාවත් සුගතියක් නැහැ. මේ අවස්ථාව අපිට හොඳ පාඩමක්. වෛරය ඇති කරගත්තේ නැතිව, කුලප්පු වෙන්නේ නැතිව, අපිත් ඒ තත්ත්වයට වැටෙන්නේ නැතිව, යක්ෂයා පරද්දන්න නම් අපි ඔක්කොම සමාදානයෙන් එකතුවෙලා වැඩකරමු කියලා තමයි මට නම් කියන්න තියෙන්නේ.

► Text - Dishani  /   Pic -  Sumudu &  Internet

9.00pm
 කලබලකාරී තත්වයන් මතුවූ කල්මුණේ / සමන්තුරේ/චවලකඩේ යන පොලිස් බල ප්‍රදේශවලට වහාම ක්‍රියාත්මක වන පරිදී නැවත දැනුම් දෙන තුරු ඇඳිරි නීතිය පනවා ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.
---------
 8.20pm
කල්මුණේ, සායින්ද මර්දූ ප්‍රදේශයේ සෝදිසි මෙහෙයුමක් අතරතුරදී සැකකටයුතු පිරිසක් සහ ආරක්ෂක අංශ අතර වෙඩි හුවමාරුවක් සිදු ව තිබේ.එම ස්ථානයේ ත්‍රස්තවාදීන් 3ත් 6ත් අතර පිරිසක් සිටිය හැකි බවට විශ්වාස කරන බවට වාර්තාවී ඇත.
යුද හමුදාව, පොලිස් විශේෂ කාර්ය බලකාය ඇතුළු
ආරක්ෂක අංශ

මෙම මෙහෙයුම යෙදී සිටි බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පවසයි.
විශේෂ කාර්ය බලකාය සඳහන් කළේ, මරාගෙන මැරෙන බෝම්බ කට්ටල නිෂ්පාදනාගාරයක් බවට සැක කෙරෙන ස්ථානයක් වැටලීමට ගිය අවස්ථාවේදී මෙම ගැටුම සිදුවූ බවයි.මෙම ස්ථානයේ මරාගෙන මැරෙන ඇඳුම් කට්ටල සකසන්නට ඇති බවට සාධකද හමුව ඇත.
සයින්දමාරු ප්‍රදේශයේදී සැක සහිත වෑන් රථයක් පුපුරුවා ගෙන ඇතැයි ද වාර්තා වෙනවා.
එම ප්‍රදේශයේ සැකසහිත වෑන් රථයක් පිළිබඳව පොලිස් බුද්ධි අංශයට ලැබුණ තොරතුරක් අනුව පරීක්ෂා කරන්නට පෙර මෙය සිදු කරගෙන ඇත.

ජීවිත හානි පිළිබඳව තවමත් තොරතුරු වාර්තා නොවෙයි.

රාජ්‍ය බුද්ධි සේවයේ නිලධාරීන්ට ලැබුණු තොරතුරක් අනුව අපරාධ පරීක්ෂණ දෙපාර්තමේන්තුවට සහ අම්පාර පොලිස් කොට්ඨාසයේ නිලධාරීන් වෙත දැනුම් දීමෙන් අනතුරුව සිදුකරන ලද මෙම මෙහෙයුමේදී සමන්තුරය ප්‍රදේශයේදී නිවසක් තුළ තිබී සැකකටයුතු දේපල රැසක් සොයා ගෙන ඇති බව පොලිසිය දැනුම් දෙන ලදි.
පසුගිය දින සිදුවූ බෝම්බ ප්‍රහාරවල මරාගෙන මැරෙන බෝම්බකරුවන් යැයි සැකකරන පිරිසක් නිකුත් කළ බවට සැකකරන වීඩියෝ දර්ශනයේ දක්නට ලැබෙන එම පුද්ගලයන් ඇඳ සිටින ඇඳුම් වලට සමාන ඇඳුම් කට්ටලයකුත්,
එමෙන්ම එම වීඩියෝ දර්ශනයේ පිටුපස තිරය බවට සැකකරන තිරයකුත්, ජෙලයිට් කූරු 150කට අධික ප්‍රමාණයකුත්, කුඩා යකඩ බෝල ලක්ෂයක් පමණ ප්‍රමාණයක්, සැකකටයුතු වෑන් රථයක්, ඩෝන කැමරාවක්, ලැප්ටොප් පරිඝණක 01ක් ඇතුළු දේපල රැසක් සොයා ගෙන ඇති බව පොලිසිය දන්වයි.

(ඉන්දිකා රාමනායක)
ප‍්‍රහාරයක් එල්ල කිරීමට සුදානම්ක් ඇති බවට පොලිසිය සොයමින් සිටි WP DAE - 4197 දරන සැකකටයුතු ලොරි රථය අද (25) වත්තල නායක්කන්ද ප‍්‍රදේශයේ  දී කොටහේන පොලිසිය අත්අඩංගුවටගනු ලැබීය.
මෙම හිමිකරු බව කියන වැල්ලම්පිටිය නවගම්පුර ප‍්‍රදේශයේ පදිංචි පුද්ගලයා ද පොලිසිය විසින් අත්අඩංගුවට ගෙන ඇත.
ෂැංග්‍රිලා හෝටලයේ දී  ඉකුත් 21 දා බෝම්බයක් පුපුරාගෙන  මියගිය මොහොමඞ් ආසාම් මොහොමඞ් මුබාරක් නැමැත්තාගේ නමින් මෙම ලොරිය ලියාපදිංචි කර ඇති අතර  ඉකුත් 22 දින කොච්චිකඬේ පල්ලිය  ආසන්නයේ දී  විශේෂ කාර්ය බලකාය  විසින් ආරක්ෂිතව පුපුරවා හරින  ලද වෑන් රථයද ලියා පදිංචිකර ඇත්තේ ද මෙම  බෝම්බකරුගේ  නමින්  බවද උසස් පොලිස් නිලධාරියෙක්  සඳහන් කළේය.
බෝම්බකරු  මෙම ලොරිය ලියාපදිංචිකර ඇත්තේ   කොළඹ 12 බණ්ඩාරනායක මාවතේ පිහිටි ඔහුගේ බිරිදගේ නිවසේ ලිපිනයට බවද පොලිස් ආරංචි මාර්ග පවසයි.
ලොරියේ අයිතිකරු වශයෙන් දැනට සිටින පුද්ගලයා මෙම ලොරිය මීට වසර දෙකකට පෙර   මොහොමඞ් අසාම් මොහොමඞ් මුබාරක් නැමැත්තාගෙන් කල්බදු  ක‍්‍රමයට ලබාගෙන ඇති අතර  වාරික රැසක් ගෙවීමට ඇති නිසා ඔහු  ලොරිය සිය නමට  ලියා පදිංචි නොකර මොහොමඞ් අසාම් මොහොමඞ් මුබාරක් නැමැත්තාගේ නමින්ම  කල්බදු ගෙවා ඇති බවට  ප‍්‍රශ්න කිරීම් වලදී හෙළි කරගෙන ඇත.
මෙම ලොරි රථය  කොටහේන පොලිසිය  බාරයේ තබාගෙන  පරීක්ෂණ පවත්වමින් සිටියි.
ඡායාරූප - ජයමාල් චන්ද්‍රසිරි

(බන්දු තඹවිට)
බේරුවල බුහාරි මුස්ලිම් පල්ලියට ප්‍රහාරයක් එල්ලකිරීමට සැලසුම් කළ බවට සැකපිට සිංහල නමකින් පෙනී සිටි දිගන ප්‍රදේශයේ පදිංචි මුස්ලිම් පුද්ගලයන් දෙදෙනෙකු කළුතර කොට්ඨාශ නීතිය බලගැන්වීමේ ඒකකය අද (25) අත් අඩංගුවට ගෙන ඇත.
මෙසේ අත් අඩංගුවට ගෙන ඇත්තේ දිගන ප්‍රදේශයේ අබ්දුල්ලා නමින් පදිංචිව සිටි මේ වනවිට කොඩිතුවක්කු ආරච්චිලාගේ රුවන් වීරසිංහ නමින් පෙනී සිටින 30 හැවිරිදි අඹන්වත්ත ,රජවැල්ල ලිපිනයේ පදිංචි අයෙකු සහ පන්විලහේන ,වේයන්ගල්ල ,අගලවත්ත ලිපිනයේ පදිංචි අබ්දුල් රහීම් මොහොමඩ් ෆයිසර් නමැති 39 හැවිරිදි අයෙකි.
අත් අඩංගුවට ගත් සැකකරුවන් දෙදෙනා කිසියම් මුස්ලිම් අන්තවාදී කණ්ඩායමකට අයත් බවට පොලිසිය සැකකරන අතර මොවුන් විසින් බේරුවල ප්‍රදේශයේ පිහිටි ප්‍රසිද්ධ මුස්ලිම් පල්ලියක් වන බුහාරි පල්ලියට ප්‍රහාරයක් එල්ලකිරීමට සැලසුමක් තිබෙන බවට මොවුන් විසින් කරන ලද ප්‍රකාශයක් අනුව මෙසේ අත් අඩංගුවට ගෙන ඇත.
සිංහල නමින් පෙනීසිටින පුද්ගලයා තමා සිංහල නමින් පෙනී සිටීමට සාධාරණ හේතුවක් ඉදිරිපත්කිරීමට අපොහොසත්වී ඇති අතර ඔහු දිගන ප්‍රදේශයෙන් පැමිණ වේයන්ගල්ල ප්‍රදේශයේ පදිංචි අනෙක් සැකකරුගේ නිවසේ නැවතී සිට ඇත.
උපුටා ගැනීම -ලංකාදීප වෙබ් අඩවියෙන්

(සිරිනිහාල් ගමගේ)
වඳුරඹ මැද කිබිය ප්‍රදේශයේ විහාරස්ථානයක් අසල සැරි සැරූ අයිඑස්අයිඑස් ත්‍රස්ත කණ්ඩායමේ නායකයින්ගේ ඡායාරූප දුරකතනයේ සටහන්ව තිබු සැකකටයුතු පුද්ගලයකු වඳුරඹ පොලිසිය අත්අඩංගුවට ගෙන අද (25) බද්දේගම මහේස්ත්‍රාත් අධිකරණය වෙත ඉදිරිපත් කිරීමෙන් පසු ලබන මස 05 දින දක්වා සැකකරු රක්ෂිත බන්ධනාගාර ගත කිරීමට බද්දේගම මහේස්ත්‍රාත් ධම්මික හේමපාල මහතා නියෝග කළේය.
මෙම පුද්ගලයා සතුව කිසිදු අනන්‍යතාවයක් සහතික කිරීමට හැදුනුම්පතක් හෝ වෙනත් කිසිදු ලේඛනයක් තිබී නැත.
ඔහු පවසන පරිදි කොලබවැල්ලවත්ත ප්‍රදේශයේ පදිංචිකරුවකු බවත් කැනඩාවේ සේවය කර ලංකාවට නිවාඩුවකට පැමිණි බවත් නම සුරේෂ් ශ්‍රී කාන් බවටත් පොලිසියට පවසා ඇත.
පසුව ඔහු සන්තකයේ වූ භාණ්ඩ පරීක්ෂා කිරීමේදී කැනඩාවේ ආයතනයක සේවක හැඳුනුම්පතක් තිබී එහි නම ලෙස ශ්‍රී කාන් කාන් ලෙස සඳහන්ව තිබී ඇත.
මෙම පුද්ගලයා කුමක් සඳහා මෙම ප්‍රදේශයට පැමිණියේද යන්න විමසීමේදී එම ප්‍රදේශයේ විහාරස්ථානයක ස්වාමීන් වහන්සේනමක් සමඟ මුහුණු පොතෙන් මිතුරුවී එම ස්වාමීන් වහන්සේව හමුවීමට පැමිණි බව පවසා ඇත.
ඔහු සතුව තිබු ජංගම දුරකථනය පරික්ෂා කිරීමේදී ජාත්‍යන්තර ත්‍රස්ත සංවිධානයක් වන අයිඑස්අයිඑස් සංවිධානයේ නායකයන්ගේ ඡායාරූප හා ගාල්ල නගරයේ විවිධ ස්ථාන වල ඡායාරුප එම දුරකතනයේ සටහන්ව තිබී හමුවී ඇත.
 

 උපුටා ගැනීම -ලංකාදීප වෙබ් අඩවියෙන්