කකුල් මාට්ටුවෙන් අල්ලපු හොරා-CCTV දර්ශන සහිතයි

 

බියගම නගරයේ පිහිටි විදෙස් මුදල් මාරු කරන ස්ථානයකට රැගෙන එමින් තිබූ මුදල් බෑගයක් යම් කිසි පුද්ගලයෙක් විසින් පැහැර ගෙන යෑමට තැත් කිරීමේ දී ප්‍රදේශවාසීන් විසින් අල්ලා ගෙන පොලීසියට බාර දී තිබේ.
ඊයේ(21) දහවල් 12 ට පමණ මෙය සිදුව ඇත.
බියගම නගරයේ පිහිටි පෞද්ගලික ස්වර්ණාභරණ අලෙවි හලක මෙම විදෙස් මුදල් හුවමාරු කරන ස්ථානය ද පිහිටා තිබේ.
යතුරුපැදියකින් පැමිණි පුද්ගලයින් දෙදෙනෙකුගෙන් එක් අයෙක් එය රැගෙන එමින් සිටි පුද්ගලයාගෙන් මුදල් බෑගය උඳුරා ගැනීමට තැත් කර තිබේ.
එම අවස්ථාවේ දී රැගෙන පැමිණි මුදලින් කොටසක් හොරා අතැතිව තිබී ඇති අතර, හොරා දිවයෑමේ දී අසල වු ත්‍රීරෝද රථ හලේ සිටි පුද්ගලයෙකු විසින් කකුල් මාට්ටුවක් දමා බිම වට්ටවා ඇත.
එහිදී හොරා අල්ලා ගැනීමට හැකිව ඇති අතර, පසුව බියගම පොලීසියට බාර දී තිබේ.
සැකකරු සන්තකයේ තිබී මිරිස් කුඩු හා උල් ආයුධයක් ද පොලීසිය විසින් සොයා ගෙන ඇත.
අත්අඩංගුවට ගත් සැකකරු වයස අවුරුදු 20 ක් පමණ වන බව ද පොලීසිය පවසයි.

 උපුටා ගැනීම - අද දෙරණ වෙබ් පුවතින්