සිනහවුණු හදවතේ -ස්නේහා අංජානි

 

සිනහවුණු හදවතේ කඳුලක්
ඉතිරි කර හැර ගිය දිනේ
දෙපස යන මඟ කඳුළු තිබුණත්
නොදුටු සේ ඇයි දුර ගියේ

සුසුම් සර මුසු හාදු නළලක
නුරාවක් නොදැනුණු සෙනේ
තෙරක් නොතෙරක් නොදැන පෙම් කළ
නිසාවට මා තනි කළේ
මා තනි කළේ

සිනහවුණු හදවතේ...

විඩා බර නෙතු කෙවෙනි අග පිපි
කඳුළු සිතුවම් රුව මැවේ
හදේ නොමියෙන තැනක සඟවා
නික්ම යමි මතකෙන් නුඹේ
මතකෙන් නුඹේ

සිනහවුණු හදවතේ...

ගායනය - ස්නේහා අංජානි
  පද රචනය - දුලී ගුණවර්ධන
  සංගීතය - දර්ශන වික්‍රමතුංග